Павле Кузмановски

Павле Кузманоски (Тетово, 30 јуни 1939 ) е познат македонски академски сликар.

Животопис

Кузманоски е роден во Тетово во 1939 година. Во 1966 година дипломирал на Академијата за применети уметности во Белград, Србија^[1]. Неговото ателје се наоѓа во родното Тетово каде поседува огромна колекција на уметнички слики. Во 1989 година целосно ја живописува селската црква „Св. Атанасиј“ во тетовското село Фалише. Член е на Друштвото на ликовните уметници на Македонија.

Изложби

Кузманоски бил учесник на преку 250 групни изложби во земјата и странство^[2].

• 1967 Тетово, Скопје (Везилка)
• 1968 Тетово, Скопје (Везилка)
• 1977 Нови Сад, (Мал ликовен салон)
• 1997 Mузеј на Град Скопје (30 години творештво
• 2005 Музеј на Град Скопје (Ретроспектива)
• 2007 Скопје, Национална галерија на Македонија Мала станица (40 години цртеж)

Награди

Кузманоски е добитник на повеќе награди:^[2]

• 1968 Ноемвриска награда за сликарство на град Тетово
• 1980 Награда ДЛУМ - цртеж при НУБ Климент Охридски Скопје
• 1986 Награда и Повелба за сликарство ЛИКУМ на Авторската агенција за СРМ
• 1998 Награда МЕТОДИЈА ИВАНОВСКИ - МЕНДЕ, Сликарство мал формат, КИЦ Скопје
• 2008 Награда за сликарство "Нерешки мајстори" - Годишна награда на ДЛУМ
• 2010 Прва награда за тема "ОСТЕН" на 38 Светска галерија на цртеж - Уметност на хартија
• 2013 Плакета Посебна награда на ОСТЕН - Светска галерија на цртеж
• 2о15 Остенов уметник на годината 2014
• 2015 Награда ЗЛАТЕН ОСТЕН
• 2021 „11 Октомври“ за животно дело во областа на културата и уметноста^[3]

Библиографија