Парагвај (река)

Парагвај (шпански: Río Paraguay, португалски: Rio Paraguai, гварански: Ysyry Paraguái) е една од главните реки во централниот дел на Јужна Америка. Реката извира во сојузната држава Мато Гросо до Сул во Бразил, а потоа тече низ Боливија, Парагвај и Аргентина. Вкупната должина на реката изнесува 2621 километар.^[1] Реката се соединува со реката Парана, јужно од Асунсион. По реката е именувана и државата Парагвај.

За другите значења на поимот „Парагвај“ видете ја страницата за појаснување.

Парагвај
Rio Paraguai, Río Paraguay
Поглед кон реката Парагвај во близина на Асунсион.
Земји	Парагвај, Бразил, Аргентина, Боливија
Притоки
- леви	Рио Негро, Миранда, Кујаба, Апа, Тебикуари
- десни	Жауру, Пилкомајо, Бермехо
Утока	Парана
- височина	50 м
Должина	2.621 км [1]
Слив	1.095.000 км2 [2]
Истек
- просечен	2.700 м3/с [1]
Карта на басенот на Рио де ла Плата, каде се прикажува спојувањето на Парана и Парагвај. Карта на басенот на Рио де ла Плата, каде се прикажува спојувањето на Парана и Парагвај.

Тек

Изворот на Патагвај е јужно од Дијамантино во Мато Гросо, Бразил. Општо гледано, реката тече југозападно, и поминува низ бразилскиот град Касерес, а потоа свртува јужно, поминувајќи низ долините на Пантанал, градот Корумба, а понатака покрај бразилско-боливиската граница. Од градот Пуерто Бахија Негра, реката е всушност граница помеѓу Бразил и Парагвај. Реката Парагвај ја пресекува државата Парагвај речини на половина. Западниот дел на државата е Гран Чако и е слабо населен, а источнот дел на државата е густо пошумен и доста населен. Реката поминува во главниот град на Парагвај, Асунсион. Од Асунсион јужно на 275 км се соединува со реката Парана во Аргентина.