Пастрма

Пастрма – овчо или козјо солено и сушено месо.^[1] Денес пастрмата главно се користи за подготовка на познатите пастрмалии и поретко како додаток на течно гравче или печена на жар. Пастрмата се користи за подготовка на уште еден специјалитет својствен за Радовиш – саздрма.^[2]

Пастрма

Овча пастрма со мамалига
Дел од оброкот	главно јадење
Место на потекло	Македонија, Бугарија, Романија, Турција
Температура на послужување	топло или ладно
Варијанти	овча, козја, говедска

Подготовка

Пастрмата се подготвувала од турско време. Порано се користела многу повеќе бидејќи немало фрижидери, па за чување на месото се користело негово солење и сушење.

Постапката за создавање пастрма е долг. Закланата овца или коза се остава сама да се исцеди од течностите и крвта и потоа се расекува за да може да се соли. Посолувањето трае 3-4 недели при што месото се врти на сите страни за солта да фати подеднакво на сите страни. Најчесто се користи јадра морска сол. Потоа следи сушење кое трае најмалку месеци и пол. Најдобро е да се суши надвор кога има мразови и ветер.^[2]