Патагонија

Патагонија (шпански: Patagonia) — ретко населен регион во јужниот дел на Јужна Америка. Регионот Патагонија денес е поделен помеѓу две држави Аргентина и Чиле. Патагонија ги зафаќа јужните предели на Андите, како и Патагонската пустина, пампасите и пасиштата кои се наоѓаат источно од Андите. Патагонија на исток излегува на Атлантскиот Океан, а на запад на Тихиот Океан

Карта на регионот Патагонија.

Како северни граници на Патагонија, односно аргентинска Патагонија, често се сметаат реките Колорадо и Баранкас, реки кои извираат во Андите и завршуваат во Атлантскиот Океан.^[1] Архипелагот Огнена Земја исто така често се вклучува во регионот Патагонија. Чилеанскиот дел на Патагонија на север завршува со фјордот Релонкави.^[2]

Потекло на поимот

Името „Патагонија“ потекнува од зборот „патагон“ (patagón),^[3] кој бил користен од Фернандо Магелан во 1520 за да ги опише староседелските племиња во регионот, за кои луѓето од неговата експедиција мислеле дека се „џинови“. Денес се верува дека тие кои ги викал „Патагонци“ биле Теуелчесите, кои во тоа време навистина биле повисоки од Европејците.^[4][5]

Демографија

држава	површина	население	густина
Аргентина	2,780,400 км2	40,091,359	14.4 per км2
Чиле	756,096 км2	17,574,003	22.3 per км2
Патагонија	1,043,076 км2	1,999,540	1.9 per км2

^[6][7][8]

Најголеми населени места

бр.	град	население	покраина/ регион	држава
1°	Неквен	345,097 (метро)	Неквен	Аргентина
2°	Комодоро Ривадија	173,300	Чубут	Аргентина
3°	Пунта Аренас	116,005	Магеланес и Чилеански Антарктик	Чиле
4°	Сан Карлос де Барилоче	108,250[9]	Рио Негро	Аргентина
5°	Трелев	99,201	Чубут	Аргентина
6°	Рио Галегос	97,742	Санта Крус	Аргентина
7°	Генерал Рока	85,883	Рио Негро	Аргентина
8°	Рио Гранде	67,038	Огнена Земја	Аргентина
9°	Киполети	79,097	Рио Гранде	Аргентина
10°	Пуерто Мадрин	80,101	Чубут	Аргентина
11°	Ушуаја	56,956	Огнена Земја	Аргентина
12°	Којаике	50,041	Ајсен	Чиле
13°	Виедма	52,706	Рио Негро	Аргентина
14°	Ескел	39,848	Чубут	Аргентина