Пелка
From Wikipedia, the free encyclopedia
Remove ads
Пелка (грчки: Πελεκάνος, Пелеканос; до 1927 г. Πέλκα, Пелка[2]) — село во Населичко, Егејска Македонија, денес во општината Горуша на Кожанскиот округ во областа Западна Македонија, Грција. Населението брои 232 жители (2021).
Remove ads
Географија и местоположба
Селото е сместено на западните падини на Сињак, околу 22 км северно од гратчето Сачишта, на надморска височина од 760 м.[3]
Историја
Во Отоманското Царство
Во XIX век Пелка било грчко село во Населичката каза на Серфиџенскиот Санџак.
Според податоците на Васил К’нчов („Македонија. Етнографија и статистика“) од 1900, во Пелка живееле 580 Грци.[4] Според егзархискиот секретар Димитар Мишев („La Macédoine et sa Population Chrétienne“), во 1905 во Пелка живееле 575 Грци.[5]
Според грчка статистика од 1904 г. во Пелка живееле 585 Грци христијани.[6]
Во Грција
По Балканските Војни во 1913 г. селото е припоено кон Грција согласно Букурешкиот договор. Истата година во него се попишани 664 жители, кои во 1920 г. се намалиле на 594 лица.[3]
Во 1927 година, името на селото било променето во Πελεκάνος (Пелеканос).
Remove ads
Стопанство
Населението произведува жито, тутун, компири и други земјоделски производи. Населението делумно се занимава и со краварството.[3]
Население
Еве преглед на населението во сите пописни години, од 1940 г. до денес:
- Извор за 1940-1991 г.: Т. Симовски, Населените места во Егејска Македонија
Самоуправа и политика
Селото припаѓа на општинската единица Сињак со седиште во селото Враништа, која припаѓа на поголемата општина Горуша, во округот Кожани. Воедно, селото е дел од општинскиот оддел Пелка, во кој е единствено село.
Културни и природни знаменитости
Цркви
- Црква „Успение на Пресвета Богородица“ — изградена во 1939 г.[7]
Личности
Родени во Пелка
- Аргириос Папаризос (1764 - 1851)
- Константинос Мустаклис (1871 - 1950)
Починати во Пелка
- Зисо Калиманов (? - 1943)
Наводи
Wikiwand - on
Seamless Wikipedia browsing. On steroids.
Remove ads