Петрино

Петрино — село во Општина Ресен, во областа Горна Преспа, во околината на градот Ресен.

Петрино
Петрино Местоположба на Петрино во Македонија Петрино на карта
Координати 41°06′13″N 20°56′47″E
Општина	Ресен
Население	0 жит. (поп. 2021)[1]
Шифра на КО	23030
Петрино на општинската карта Атарот на Петрино во рамките на општината
Петрино на Ризницата

Географија и местоположба

Петрино — село во Преспа. Соседни села на Петрино се: од север и исток Болно, од југ со Евла, и од запад со селата Велгошти, Рамне и Скребатно.

Историја

Петрино е дислоцирано село, за негова претходна местоположба се спомнува дека било во месноста Старо Село, на околу 4 км северозападно од денешното.

Во XIX век, Петрино било село во нахијата Горна Преспа во Битолската каза на Отоманското Царство.

Население

На Етнографската карта на Битолскиот Вилает од 1901 г. Петрино се води како чисто македонско село во Битолската каза на Битолскиот санџак со 13 куќи.^[2]

Население во минатото

Година Нас. ±% 1948 128 —     1953 118 −7.8% 1961 98 −16.9% 1971 29 −70.4% 1981 0 −100.0%	Година Нас. ±% 1991 0 0.00% 1994 0 0.00% 2002 0 0.00% 2021 0 0.00%

Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.^[3]

Селото имало најголем број на жители во 1953 година - 118, а во 1961 година - 98. По 1980 година селото е целосно раселено.

Според пописот од 2002 година, во селото Петрино немало жители.^[4] Истото било потврдено и на пописот во 2021 година.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	78	112	128	118	98	29	0	0	0	0	0

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Петрино било македонско село.

Родови во селото биле: Василевци, Јанчевци, Митревци, Раличевци, Ристевци и Темелковци.^[9]

Избирачко место

Селото е опфатено во избирачкото место бр. 1624 според Државната изборна комисија, сместени во просториите на основното училиште на селото Болно.^[10]

На претседателските избори во 2019 година, на ова избирачко место биле запишани вкупно 204 гласачи.^[11]

Културни и природни знаменитости

Археолошки наоѓалишта^[12]

• Старо Село — црква и некропола од средниот век на првобитното место на селото;
• Кале — населба од римско време и среден век;

Цркви^[13]

• Црква „Св. Јован Крстител“ — главна манастирска црква на Петринскиот манастир. На 22 октомври 1995 година осветен камел темелникот, а на 22 онтомври 2016 година комплетно осветена црквата;^[14]
• Црква „Св. Симеон Столпник“ — параклис во Петринскиот манастир;

Личности

• Мице Кипрев Јанчевски — македонски револуционер од ВМОРО.^[15]
• Крсте Ристев Јанчевски — македонски револуционер од ВМОРО.^[15]
• Ламбе Ристев Јанчевски — македонски револуционер од ВМОРО.^[15]
• Тале Ристев Јанчевски — македонски револуционер од ВМОРО.^[15]
• Ѓорги Василев Караѓозовски — македонски револуционер од ВМОРО.^[16]
• Илија Кипрев Кипревски — македонски револуционер од ВМОРО.^[16]
• Миле Митрев Настевски — македонски револуционер од ВМОРО.^[17]
• Зора Гошева Белева — учесник во НОВ на Македонија

Иселеништво

До 1949 година неколку семејства се иселиле во САД, Аргентина и во Бугарија.

Денес ова село е целосно раселено.