Питер Венинг

Питер Венинг (холандски: Pieter Weening; р. 5 април 1981 ) — холандски професионален друмски велосипедист, кој вози за професионалната континентална екипа Ромпот-Шарл.

Питер Венинг

Венинг на Трката околу Полска 2013
Лични податоци
Цело име	Питер Венинг
Роден	5 април 1981(1981-04-05) (44 г.) Харкема, Холандија
Висина	1,86 м
Маса	68 кг
Податоци за клубот
Мом. клуб	Ромпот-Шарл
Дисциплина	друмски велосипедизам
Улога	возач
Вид на возач	специјалист за искачување
Аматерски клубови
2003	Рабобанк (стажант)
Професионални клубови
2004–2011 2012–2015 2016-	Рабобанк ГринЕЏ Ромпот-Оранје Пелотон
Значајни победи
Гранд Тур Џиро д’Италија 2 поединечни етапи (2011, 2014) + 2 ТТТ (2014, 2015) Тур де Франс 1 поединечна етапа (2005) Етапни трки Трка околу Полска (2013)
Последна промена 21 јануари 2016

Кариера

2005

Во 2005 година, Венинг победил на етапа на Тур де Франс. До денес, Венинг е последниот холандски етапен победник на Тур де Франс. По една од најтесните завршници на Тур некогаш, Венинг ја освоил осмата етапа пред Андреас Кледен. Во истата година освоил етапа на Трката околу Полска и завршил втор во генералниот пласман, само пет секунди зад победникот Ким Кирхен. По оваа успешна година бил прогласен за холандски велосипедист на годината.^[1][2]

2011

Без етапната победа на Трката околу Австрија, Венинг морал да чека шест години на својата следна голема победа. На Џиро д’Италија 2011, само еден ден по неутрализираната етапа поради смртта на Ваутер Вејлант, Венинг победил на етапата 5. Аналитичарите ја оцениле оваа етапа како „мини Џиро ди Ломбардија“.^[3] Етапата завршувала на нагорнина и се протегала по неколку неасфалтирани делови (Страде Бјанки). Венинг бил најсилен на крајот од малото бегство и останал напред пред главната група. По етапна победа ја преземал розовата маичка. Освоената маичка добиена на подиумот ја предал на семејството на Ваутер Вејлант.^[4]

На 10 август 2011 и по осум сезони со Рабобанк, Венинг ја напуштил екипата и заминал во новата екипа ГринЕЏ во нивната прва сезона во 2012.^[5]

2013

Во 2013 година, Венинг ја освоил Трката околу Полска откако го започнал хронометарот како петти во генералниот пласман и 27 секунди зад тогашниот предводник. Успеал да го преземе водството со одличен резултат.

2014

Во 2014 година, Венинг повторно освоил етапа на Џиро д’Италија, откако бил дел од екипата која го освоила екипниот хронометар на првата етапа. На деветтата етапа бил дел од главното бегство на денот, заедно со Давиде Малакарне (Тим Јуропкар), успевајќи да остане до крајот на етапата. Го претекнал Малакарне во завршницата, освојувајќи ја третата поединечна етапна победа во кариерата.^[6] Венинг исто така го освоил Џиро дела Тоскана 2014 со соло напад.^[7]

2015

Во август 2015 година било објавено дека Венинг потпишал за Ромпот за сезоната 2016.^[8]

Достигнувања

2002

2. ГП Вилереву

6. Краен пласман Тур де л’Авенир

2003

1. Краен пласман Јадранска магистрала

1. Етапа 2

9. Краен пласман Трка околу Австрија

10. Краен пласман Трка околу Долна Саксонија

2005

1. Етапа 8 Тур де Франс

2. Краен пласман Трка околу Полска

1. Етапа 6

9. Краен пласман Вуелта а Мурсија

2006

8. Краен пласман Критериум Интернасионал

2008

7. Краен пласман Реџо-Тур

2009

3. Краен пласман Вуелта а Мурсија

4. Краен пласман Трка околу Полска

6. Краен пласман Трка околу Австрија

1. Етапа 3

2010

2. Национално друмско првенство

5. Краен пласман Стер Електротур

8. Краен пласман Вуелта а Мурсија

10. Краен пласман Трка околу Австрија

2011

Џиро д’Италија

1. Етапа 5

Ја носел розовата маичка на четири етапи

6. Краен пласман Тур де Романди

2012

10. Краен пласман Трка околу Калифорнија

2013

1. Краен пласман Трка околу Полска

2. Краен пласман Тур де Лангкави

2. ГП Импанис-Ван Петегем

6. Краен пласман Трка околу Баскија

8. Краен пласман Енеко Тур

8. Амстел Голд Рејс

9. Трофео Сера де Трамунтана

2014

Џиро д’Италија

1. Етапа 1 (ТТТ)

1. Етапа 9

1. Џиро ди Тоскана

2015

1. Етапа 1 (TTT) Џиро д’Италија

Распоред на резултатите на Гранд Тур

Гранд Тур	2004	2005	2006	2007	2008	2009	2010	2011	2012	2013	2014	2015
Џиро	—	—	—	—	—	—	24	45	—	38	СО	92
Тур	—	72	93	128	63	—	—	—	72	—	—	—
Вуелта	59	—	61	—	—	44	—	—	88	—	—	—

СО = се откажал; — = не учествувал