Рогле

Рогле — село во Општина Желино, во околината на градот Тетово. Според пописот од 2002 година, селото имало население од 566 жители.

Рогле
Рогле Местоположба на Рогле во Македонија Рогле на карта
Координати 41°58′4″N 21°9′55″E
Општина	Желино
Население	532 жит. (поп. 2021)[1]
Шифра на КО	28068
Надм. вис.	747 м. м
Рогле на општинската карта Атарот на Рогле во рамките на општината
Рогле на Ризницата

Географија и местоположба

Селото се наоѓа во областа Долни Полог. Мерово лежи на горното течение на Суводолица, на северните падини на Сува Гора. Селото е во близина на селото Ново Село.

Историја

Според податоците на бугарскиот етнограф Васил К’нчов, селото во 1900 година имало население од 135 муслимани (Албанци).^[2] Рускиот публицист Афанасиј Селишчев во 1929 година забележал дека селото било дел од Општина Групчин и имало 42 куќи со 263 жители Албанци.^[3]

Население

Население во минатото

Година Нас. ±% 1948 292 —     1953 293 +0.3% 1961 306 +4.4% 1971 377 +23.2% 1981 460 +22.0%	Година Нас. ±% 1991 0 −100.0% 1994 540 —     2002 566 +4.8% 2021 532 −6.0%

По Балканските војни е забележано со 283 жители.^[4]

Според германска карта издадена во 1941 година, а заснована на пописот на Кралство Југославија во 1931 година, селото имало 250 Албанци.^[5]

Според пописот на населението на Македонија од 2002 година, селото има 566 жители, сите Албанци.^[6]

Според последниот попис од 2021 година, во селото живееле 532 жители, од кои 492 Албанци и 40 лица без податоци.^[7]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	135	—	292	293	306	377	460	0	540	566	532

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Родови

Рогле е албанско село.

Според истражувањата од 1940-тите родови во селото се:

• Качер (35 к.) потекнуваат од фисот Круја Зи во северна Албанија. Од старото место се иселиле тројца браќа и нивниот внук. Од нив едниот брат со внукот се населил во Рогле. Вториот брат преку Рогле се населил во Бојане, а третиот во кумановското село Слупчане. Овде се доселиле пред 200 години.
• Шкрете или Мемете (1 к.) доселени се, но не знаат од каде. Имаат изумрени домаќинства.
• Цоке (7 к.) доселени се од некое место во северна Албанија.^[12]

Самоуправа и политика

Избирачко место

Во селото постои избирачкото место бр. 2099 според Државната изборна комисија, сместени во просториите на основното училиште.^[13]

На претседателските избори во 2019 година, на ова избирачко место биле запишани вкупно 564 гласачи.^[14]

Поврзано

• Полог
• Општина Желино
• Тетово