Рудничко Езеро

Рудничко Езеро или Врапчинско Езеро (грчки: Λίμνη Χειμαδίτιδα, Химадитида) — езеро во Егејска Македонија (денес Грција), дел од групата на Егејските езера.

Оваа статија се однесува на езеро во Леринско. За истоимената акумулација во Кукушко, погл. Рудничко Езеро (вештачко).

Поглед на Рудничкото Езеро од патот за Невеска

Карта на Рудничко Езеро и езерото Зазерци

Езерото се наоѓа на територијата на леринската Општина Суровичево. Се наоѓа на надморска висина од 593 метри, а површината околу 1,7 км². Поврзано е со соседното езеро Зазерци, од каде што добива вода. Неговите води пак се влеваат во Петерското Езеро. На неговиот североисточен брег се наоѓа селото Рудник (Ανάργυροι), а на југозападниот се урнатините на селото Врапчин (Χειμάδιο).

Флора и фауна

Со езерото Зазерци сочинуваат заеднички екосистем, мошне богат на птици (повеќе од 150 видови), цицачи (12 видови), змии (7 видови), водоземци (7 видови), риби (8 видови), и 150 видови растенија.

Надворешни врски

• Авионска слика на езерото Архивирано на 28 септември 2007 г.
• Езерата Рудничко и Зазерци Архивирано на 4 март 2007 г.