Рудничко Езеро (вештачко)

Рудничко Езеро (грчки: Λίμνη Μεταλλείου, Лимни Металиу) — вештачко езеро во областа, Бојмија, Кукушко, Егејска Македонија. Создадено е со изградбата на брана преку реката Коџа Дере (Мега Рема), притока на Вардар.

Оваа статија се однесува на вештачко езеро во Кукушко. За истоименото природно езеро во Леринско, погл. Рудничко Езеро.

Рудничко Езеро Λίμνη Μεταλλείου
Поглед на езерото
Координати	41.035°N 22.440°E / 41.035; 22.440
Вид	вештачко
Главни приливи	Коџа Дере
Сливни земји	Грција
Најг. должина	2 км
Најг. ширина	0,1 км
Површина	&100000000000000002000000,2 км2
Најг. длабочина	35 м
Надм. височина	275 м

Езерото има должина од 2 км и најголема длабочина од 35 метри.^[1] Сместено е 15 км северозападно од гратчето Бојмица^[2] и 10 км од селото Извор.

На ова место, за време на Втората светска војна постоеле француски рудници кои подоцна се потопени од водата. Некои од окната останале на суво и можат да се видат и денес од крајезерскиот пат.^[3]

До езерото се стасува по шумски пат од листопадни дрвја, по падините на планината Пајак. Во Рудничкото Езеро се одвиваат разни рекреативни дејности како велсање со кануа и кајаци, како и риболовот бидејќи истото изобилува со пастрмка.