Руска „алтернативна“ проза

Руска „алтернативна“ проза е збирка раскази од руски автори, објавена во 1994 година од издавачката куќа „Темплум“. Преводот од руски јазик го направил Павел Попов.^[1]

Технички одлики

Книгата, која е објавена во рамките на библиотеката “Влијанија”, има 176 страници. Каталогизацијата е извршена од Народна и универзитетска библиотека „Климент Охридски“ - Скопје. Книгата е со мек повез и мал формат (15 сантиметри). Лектурата, коректурата и графичкото уредување е дело на фирмата “Кома”. На насловната корица се наоѓа интервенција врз детаљот од „Фундаменталниот лексикон“ на Гриша Брускин.^[2]

Содржина

Во збирката се застапени 16 раскази од 15 руски писатели. Покрај нив, на крајот од книгата е даден поговор, потпишан од Павел Попов и Аббе Бузони. Книгата ги содржи следниве раскази:^[2]

• Василиј Аксјонов, Негативот на позитивниот лик
• Владимир Казаков, Моите средби со В. Казаков
• Димитриј Бакин, За одењето бестрага
• Евгениј Попов, Ќебето на Сун Јатсен
• Анатолиј Гаврилов, У! У! У!
• Саша Соколов, Вознемирената кокона
• Александар Терехов, Харон
• Виктор Ерофеев, Телото на Ана, или Крајот на руската авангарда
• Вјачеслав Пјецух, Последното патување
• Вјачеслав Пјецух, Сухов, сквернувачот на гробови
• Викторија Фролова, Бомба
• Виктор Соснора, Книга на празнините
• Људмила Петрушевска, Три реквиеми (Сирак, Смислата на животот, Мистика)
• Татјана Толста, Серафим
• Петар Кожевников, Дупло
• Сергеј Медведев, Чудни раскази