Сашко Пандев

Сашко Пандев (роден на 1 мај 1987 г.) — македонски поранешен фудбалер и поранешен младински репрезентативец.

Сашко Пандев
Лични податоци
Полно име	Сашко Пандев
Роден на	1 мај 1987(1987-05-01) (38 г.)
Роден во	Струмица, СР Македонија, СФРЈ
Држава	Македонец
Висина	1.88 м
Позиција	Напад
Клупски податоци
Сегашен клуб	Академија Пандев
Број	19
Младинска кариера
	Беласица
Кариера*
Години	Клуб	Наст.	(Гол.)
2004–2005	Беласица	10	(3)
2005–2010	Динамо Загреб	10	(1)
2007	→ Интер Запрешич	14	(0)
2008	→ Меѓимурје	4	(0)
2009	→ Работнички	5	(1)
2009–2010	→ Турново	29	(5)
2010–2011	Муган	16	(0)
2011	Турново	15	(0)
2012–2013	Ренова	32	(5)
2013–2016	Турново	81	(24)
2017–2023	Академија Пандев	105	(7)
Репрезентација
2004–2009	Македонија под 21 г.	11	(2)
* Ажурирано на: 3 октомври 2021

Клупска кариера

Роден во Струмица, Пандев својата професионална кариера ја започнал во Беласица, од каде во септември 2005 година се преселил во Динамо Загреб. Својот прв настап за хрватскиот гигант тој го имал на 14 октомври 2006 година, кога влегол како доцна замена од клупата за резервни играчи во победата на Динамо Загреб над Вартекс од 4–1. На 9 декември 2006 година тој го постигнал својот прв гол во дресот на „сините“ во победата од 3–2 над Меѓимурје во натпревар од првата лига на Хрватска. Една недела претходно, во победата на Динамо Загреб над градскиот ривал Загреб, Пандев бил асистент на двата гола на својот клуб во победата од 2–1.

Приватен живот

Сашко е помлад брат на Горан Пандев. Во 2015 година, Сашко се оженил со Ивана Тодорова, ќерката на Орце Тодоров, сопственик на ФК Турново.^[1]