Сенски Висови

Сенски Висови или О-де-Сен — департман во регионот Ил-де-Франс, Северна Франција. Ги опфаќа западните внатрешни предградија на Париз. Се граничи со Париз, Сена-Сен Дени и Долината на Марна на запад, Долината на Оаза на север, Ивлин на исток и Есона на југ. Со население од 1.603.268 (во 2016 година) и вкупна површина од 176 квадратни километри, тој е вториот најгусто населен департман во Франција, по Париз. Тој е петти најнаселен департман во Франција. Нејзината префектура е во Нантер, иако Булоњ-Бијанкур, една од нејзините две потпрефектури заедно со Антони, има повеќе жители.

О-де-Сен Сенски Висови Hauts-de-Seine
Департман во Франција
Одгоре надолу, одлево надесно: Поглед на Булоњ-Бијанкур од Паркот на Сен-Клу, Медон - локација на Париската опсерваторија, Шато де Со, езеро во Руеј-Малмезон, Ла Дефанс - поглед од Ла Гарен-Коломб
Знаме Грб
Местоположба на Сенските Висови во Франција
Држава	Франција
Регион	Ил-де-Франс
Префектура	Нантер
Суппрефектури	Антони Булоњ-Бијанкур
Управа
• Претседател на Советот на департманот	Жорж Сифреди (Републиканци)
Површина1
• Вкупна	176 км2 (68 ми2)
Население
• Вкупно	1,624,357
• Ранг	5-ти
• Густина	9,200/км2 (24,000/ми2)
Демоним	Altoséquanais.e
Час. појас	CET (UTC+1)
• Лето (ЛСВ)	CEST (UTC+2)
Број на департманот	92
Арондисмани	3
Кантони	23
Општини	36
^1 Француски катастар на земјиште кој не ги вклучува естуарите, езерата, вештачките езера и ледниците поголеми од 1 км2.

О-де-Сен е најдобро познат по тоа што го содржи модерниот канцелариски, кино и трговски комплекс Ла Дефанс, еден од главните економски центри на велеградот Голем Париз и една од најголемите деловни области во Европа. О-де-Сен е еден од најбогатите департмани во Франција; има највисок БДП по глава на жител од 104.000 евра во 2016 година.^[1]

Историја

Од 1790 до 1968 година, О-де-Сен бил дел од поранешниот департман Сена.

Департманот О-де-Сен е создаден во 1968 година, од делови на поранешните департмани Сена и Сена и Оаза. Неговото создавање го одразува спроведувањето на законот донесен во 1964 година; Нантер веќе бил избран за префектура за новиот департман на почетокот на 1965 година.

Во 2016 година, Советот на департманот Сенски Висови гласал за спојување на О-де-Сен и Ивлин, неговиот западен сосед. По сличното гласање во Ивлин, била основана јавна меѓуресорна усстанова. Спојувањето ќе продолжи доколку гласачите во двата департмана изгласаат мнозинство советници на изборите во 2021 година.^[2] Името Сена и Оаза (департман укинат во 1968 година) се дискутирало за новиот департман.

Демографски податоци

Движење на населението од 1881 година

Население во минатото

Година	Нас.	±% год.
1881	254,928	—
1891	332,076	+2.68%
1901	467,391	+3.48%
1911	614,862	+2.78%
1921	724,261	+1.65%
1931	949,231	+2.74%
1936	1,019,627	—
1946	992,859	—
1954	1,118,020	—
1962	1,381,805	—
1968	1,461,619	—
1975	1,438,930	—
1982	1,387,039	—
1990	1,391,658	—
1999	1,428,881	—
2006	1,536,100	—
2011	1,581,268	—
2016	1,603,268	—
source:[3]

Географија

Местоположба

О-де-Сен и два други мали департмани (Сена-Сен-Дени и Долината на Марна) образуваат внатрешен прстен околу Париз, познат како Petite Couronne (буквален превод: „Мала круна“). Заедно со Градот Париз, тие се вклучени во Голем Париз од 1 јануари 2016 година. Тој е најмалиот департман во Франција по Сена-Сен Дени и Долината на Марна. Многу е помал од Малдивите или Конектикат.

Администрација

О-де-Сен опфаќа три арондисмани и 36 општини:

Број на картата	Име	Површина (km2)	Население	Грб	Арондисман	Карта	Карта со броеви
1	Антони	9,56	62.570		Антони
2	Шатене-Малабри	6,38	33.286
3	Со	3,6	19.344
4	Бур-ла-Рен	1,86	20.667
5	Бање	4,19	40.918
6	Фонтене-о-Роз	2,51	24.564
7	Ле Плеси-Робинсон	3,43	29.100
8	Кламар	8,77	52.971
9	Шатијон	2,92	37.355
10	Монруж	2,07	50.260
11	Малакоф	2,07	30.720
12	Ванв	1.56	27,729
13	Иси-ле-Мулино	4,25	68.451		Булоњ-Бијанкур
14	Булоњ-Бијанкур	6,17	120.071
15	Медон	9,9	45.352
16	Севр	3,91	23.507
17	Шавил	3,55	20.520
18	Вил д'Авре	3,67	11.453
19	Сен-Клу	7,56	29.973
20	Марн-ла-Кокет	3,48	1.810
21	Вокресон	3,08	8.667
22	Гарш	2,69	17.869		Нантер
23	Руеј-Малмезон	14,7	78.152
24	Сирен	3,79	48.264
25	Пито	3,19	44.645
26	Нантер	12,19	95.105
27	Коломб	7,81	85.177
28	Ла Гарен-Коломб	1,78	29.169
29	Боа-Коломб	1,92	28.239
30	Курбевоа	4,17	81.719
31	Неји-сир-Сен	3,73	60.361
32	Левалоа-Пере	2,41	64.379
33	Клиши	3,08	61.070
34	Аниер-сир-Сен	4,82	85.191
35	Женевилие	11,64	46.907
36	Вилнев-ла-Гарен	3,2	23.771

Економија

О-де-Сен е еден од најбогатите француски департмани и една од најбогатите области во Европа. Нејзиниот БДП по жител, според официјалните бројки на Евростат, бил 104.000 евра во 2016 година.^[1]

Политика

Во 1990-тите и раните 2000-ти, О-де-Сен го привлекол вниманието на националните медиуми како резултат на корупциски скандал во врска со злоупотребата на јавните средства обезбедени за станбените проекти на департманот. Вклучени биле поранешниот министер и претседател на советот на департманот Шарл Паскуа, како и други личности од партијата Обединети за Републиката (РПР).

О-де-Сен била политичка база на Никола Саркози, претседател на Француската Република од 2007 до 2012 година. Тој бил градоначалник на Неји на Сена (1983–2002) и претседател на Советот на департманот на О-де-Сен (2004–2007) пред да ја преземе функцијата. Саркози го наследил Паскуа како претседател на Советот на департманот.^[4]

Совет на департманот О-де-Сен

О-де-Сен е управуван од Совет на департманот. Неговите 46 члена се нарекуваат департмански советници. Гласачите на О-де-Сен обично гласаат за десничарските партии; никогаш немало левичарско мнозинство од основањето на департманот во 1968 година.

Советот на департманот е советодавен орган на департманот. Извршната власт е предводена од претседателот на советот, потпомогнат од потпретседателите, задолжени за различни ресори. Департманските советници се избираат (двајца по кантон) од жителите на департманот на шест години (без ограничување на бројот на мандати).

Претставници на национално ниво

О-де-Сен има 13 члена во Националното собрание.

Во Сенатот, О-де-Сен е претставен со 7 члена.

Туризам

• Туристички занимливости
• 
  Спалната соба на царицата Жозефина во Шато де Малмезон
• 
  Големата фонатана во Паркот Сен Клу
• 
  Cité de la céramique во Севр
• 
  Јапонска градина во Музејот Албер Кан во Булоњ-Бијанкур
• 
  Парна локомотива, О-де-Сен, Франција