Сиера Невада (Шпанија)

Сиера Невада (шпански: Sierra Nevada = „снежен венец“) — планински венец во покраините Гранада и Алмерија во областа Андалусија, Шпанија. Највисок врв е Муласен (3.478 м), кој е воедно највисок врв во континентална Шпанија.

Статијава се однесува на планински венец во Шпанија. За други места со ова име, погл. Сиера Невада (појаснување).

Сиера Невада
Sierra Nevada
Поглед на Сиера Невада
Највисока точка
Врв	Муласен
Надм. височина	3.478 м
Координати	37°03′N 03°18′W
Географија
Местоположба во Шпанија
Место	покраините Гранада и Алмерија
Земји	Шпанија
Покраина	Андалусија
Матичен венец	Пенибетски систем

Венецот е популарно туристичко одредиште, особено поради скијачкиот центар во истото јужно средоземно подрачје познато по топло и сончево време. На подножјето се наоѓа градот Гранада, а малку понатаму се и градовите Алмерија и Малага.

На дел од венецот се наоѓа националниот парк Сиера Невада, а целиот венец е прогласен за биосферен резерват. На северните падини на планините се наоѓаат опсерваторијата „Сиера Невада“ и радиотелескопот на Институтот за милиметарска радиоастрономија (IRAM), на надморска височина од 2.800 м.

Образување

Сиера Невада е создадена во текот на планинотворниот настан наречен алпска орогенеза во кој се создадени и европските Алпи на исток и венецот Атлас во северна Африка на југ. Денешниот облик планините го добиле во палеогенот и неогенот (пред 66 до 1,8 милиони години) при судирот на Африканската со Евроазиската континентална плоча.

Географија

Во средиштето на венецот се наоѓа срт кој се протега во насока запад-југозапад - исток-североисток. Сливното подрачје е постојано на висина над 3.000 м во поголемиот дел од својот опфат.

На јужната страна на венецот има неколку тесни и долги речми долини кон југозапад, одделени со повеќе помали сртови.

Северната страна е пострмна и покарпеста, па долините имаат понеправилна насоченост. Тука преовладува реката Хенил, која извира кај Муласен и потоа прима голем број притоки.

Клима

Скијачкиот центар Сиера Невада

Според Кепеновата класификација на климата, Сиера Невада има средоземна субполарна клима (Dsc), поради големата надморска височина.

Прадолјано (2.507 м)^[1]

1975-1989	јан	фев	мар	апр	мај	јун	јул	авг	сеп	окт	нов	дек	Годишна
Највисока (°C)	0,3	-0,9	0,6	3,2	4,6	14,2	21,6	19,8	14,2	10,4	3,5	2,6	7,8
Најниска (°C)	-6,1	-7,9	-7,5	-4,3	-2,9	5,6	11,9	10,6	5,7	2,2	-3,3	-4,0	0,0
Просечна (°C)	-2,9	-4,4	-3,4	-0,6	0,9	9,9	16,6	15,2	9,9	6,3	0,1	-0,7	3,9
Врнежи (мм)	86,7	91,2	78,8	53,8	53,6	29,7	6,1	11,7	33,7	69,0	85,2	93,1	692

Галерија

• 
  Поглед на Сиера Невада од Гранада
• 
  Алказаба
• 
  Предели јужно од Питрес
• 
  Мост на реката Покејра

Поврзано

• Алпухарас
• Сиера Невада (појаснување)
• Национален парк Сиера Невада