Српски воени гробишта (Скочивир)

Српски воени гробишта во Скочивир или Српски воени гробишта 1912-1918^{[б 1]} — воени гробишта во селото Скочивир на коишто се погребани војници кои загинале во Првата светска војна.

Српски воени гробишта во Скочивир

Српските воени гробишта во 2017 година
Податоци
Место	Скочивир
Земја	Македонија
Координати	40°58′29.9″N 21°39′18.9″E
Големина	500

Местоположба

Гробиштата се наоѓаат на 2 км од селото Скочивир, од десната страна по течението на Црна Река.^[1]

Историја

Во есента 1916 година, за време на Првата светска војна, селото Скочивир било на самата фронтовска линија, а потоа борбите се префрлиле неколку километри подалеку, па така тоа станало важна комуникациска точка за силите на Антантата. Во 1916 година, во Солун била формирана болница на руската принцеза Александра Наришкина, а следната 1917 година во близина на Скочивир работела и полската Болница на шкотските жени. Местоположбата на овие две болници даваат објаснување за големиот број гробови од Првата светска војна коишто се забележливи на две места: првото е во дворот на црквата „Св. Петка“, а второто се денешните воени гробишта покрај патот кој поминува низ излетничката населба Коњарка и води до врвот Кајмакчалан. Освен тоа, во близина на селото и денес постои т.н. „Француски пат“ кој го поврзувал Скочивир со денес напушеното село Чегел, а помеѓу овие две села постоела и жичница којашто служела за доставување воен материјал.^[1]

Опис

Гробиштата се простираат на површина од околу 3.500 м² и на нив се погребани околу 500 српски војници кои загинале во битката на Кајмакчалан.^[2]

Галерија

• 
  Влезот на гробиштата
• 
  Натписна плоча до влезот
• 
  Гробиштата одвнатре
• 
  Гробиштата однадвор

Поврзано

• Српски воени гробишта (Битола)
• Српски воени гробишта (Добровени)

Белешки

1. До влезната врата од гробиштата стои натпис со содржината „Српски воени гробишта 1912-1918“.^[1]