Стерјо Стерјовски

Стерјо Стерјовски познат како Стерио или Стерко^[1] ( 1876 , Смрдеш, Костурско - 1905 , Преспанско) — македонски револуционер, костурски војвода на Внатрешната македонско-одринска револуционерна организација.^[2][3]

Стерјо Стерјовски
Роден	1876 Смрдеш, Битолски Вилает, Османлиска Империја
Починал	мај 1905(1905-05-00) (возр. 29) Преспанско, Битолски Вилает, Османлиска Империја

Животопис

Стерјовски е роден во влашко семејство^[4] во 1876 година во костурското село Смрдеш, Егејска Македонија. Завршил трет клас и во 1902 година станал четник во Македонија.

За време на Илинденското востание бил реонски војвода во Костурскиот крај. На 31 март заедно со својата чета и четата на Васил Чекаларов учествувал во битка против османлиска војска, на врвот Локвата, во која Стерјовски бил тешко ранет. На 29 август 1903 година исто така со Чекаларов, дале голем отпор кај костурското село Апоскеп.^[5] Стерјовски загинал во битка со андарти во Преспаско во мај 1905 година.^[6] Во истата битка учествувале и Христо Цветков, Никола Кузинчев, Пандо Кљашев, Атанас Кршаков и Митре Влаот.

• 
  Четите на Атанас Кршаков и Митре Влаот. Стерјовски е првиот седнат од лево на десно
• 
  Стерјо Стерјовски