Стожер (списание)

Ревија во издание на Друштвото на писателите на Македонија.

Првиот број излегол во 1996 година под името Стожер: весник на Друштвото на писателите на Македонија, како месечник за литература, култура и уметност.

Во 1999 година поднасловот на ревијата е „месечна ревија за литература, култура и уметност“, а од 2001 година „ревија за литература, култура и уметност“.

Уредници на ревијата „Стожер“ биле македонските писатели и книжевни дејци: Стефан Марковски, Лилјана Пандева, Даниела Андоновска-Трајковска, Лејла Шериф Емин, Виолета Танчева-Златева, Делвина Крлуку, Науме Радически, Иван Додовски, Есад Бајрам и други.

Форматот на ревијата е 29 сантиметри, а последните години излегува четирипати годишно. Од 2022 година сите статии, песни, раскази и други објави во ревијата се каталогизираат со УДК број. Ревијата е достапна на мрежното место на Друштвото на писателите на Македонија.^[1]

Главни уредници

• Светлана Христова-Јоциќ (1996-2000)
• Тодор Чаловски (2000-2002)
• Васил Дрвошанов (2002-2005)
• Борис Вишински (2005-2008)
• Горјан Петревски (2008-2011)
• Александар Поповски (2011-2014)
• Петре Димовски (2014-2018)
• Трајче Кацаров (2018-2022)
• Славчо Ковилоски (2022-)^[2]