Трајче Кацаров

Трајче Кацаров — македонски поет, раскажувач, есеист и драмски автор.^[1][2]

Животопис

Кацаров е роден во Штип на 14 септември 1959 година. Завршил Академија за филм и театар во Софија, Бугарија. Магистрирал на Институтот за македонска литаратура на универзитетот ,„Св.Кирил и Методиj“ во Скопје. Работи како драматург во Народниот театар во Штип. Во 1993 година го основа Списанието за уметност „СУМ“. Член е на ДПМ од 1991 година.

Творештво

Автор е на книгите:

• Во подмишките на будилникот (поезија, 1986)
• Го следите ли Хорхе (поезија, 1991)
• Дискретниот шарм на Кус де Ру (поезија, 1993)
• Да не беше дождот (драма, 1993)
• Сулиндари (пиеса за деца, 1995)
• Цартаровата чичитра (раскази, 1996)
• Фалцот на змијата (комедија, 1996)
• Ректајмот на господинот Налче (поезија, 1997)
• Времето во театарот (есеи, 1997)
• Ети ја спасува Тера (проза за деца, 1997)
• Дневникот на Омир (проза, 1999)
• Ноќта во која светилката не треба да згасне (три драми, 1999)
• Времето на моментот (театрски есеи, 2001)
• Белиот слон (есеи, 2003)
• Емигрантот Цвик (поезија, 2003)
• Гард (драмска пиеса, 2003)
• Чалик Чамак (избор пиеси)
• Татко и отец (роман во раскази, 2008)
• АКО (поема, 2011)
• Другото е помалку важно (избор пиеси за деца, 2011)
• Форма на молкот (поезија, 2011)
• Ојле брада во животинска балада (2013)
• Единство на лицата (тетарски есеи, 2013)
• Двонасочна релација театар-публика (театаролошка студија, 2013)
• Јад (раскази, 2015)^[3]
• Таја (поезија, 2016)^[4]
• Шешири (драма, 2016)
• На клупата (драма, 2018)^[5]
• Не паркирај, гаража (роман, 2019)^[6]
• Увозникот на бели ноќи (роман, 2023)^[7]
• Пиеса за срамот (пиеса, 2025)^[8]
• Роман за Чарли Офтика -Туркачот (роман, 2025)^[9]

Неговите дела се преведени и на неколку јазици (англиски, руски, украински, албански, бугарски, српски, хрватски и словенски), a неговите театарски пиеси се одиграни низ повеќе театри во регионот и пошироко.

Награди

Добитник е на повеќе награди од областа на литаратурата:

• Награда ,,Рациново признание“ за романот „Татко и отец“, во 2009 г.
• Награда ,,Мајстори на прозата“ за пиесите „На клупата“ и „Шешири“
• Награда ,,Јован Котевски“ за збриката од поезија Формата на молкот“
• Награда ,,Глигор Прличев“ за поемите ,,АКO“ и „Цветко“^[10]
• Во 2004 г. Кацаров е прогласен за личност на годината во општина Штип и добива признание „Деец во културата“
• Во 2009 г. општина Штип му доделува 8-мо Ноемвриско признание.
• Награда „Отворен круг“ - за иновации и експерименти во книжевноста, на меѓународниот фестивал „Книжевен круг“, во организација на Институтот за наука, алтернатива, култура и уметност „Инаку” – Скопје.^[11]
• Награда „Ванчо Николески“ за романот „Не паркирај, гаража“^[12]

Колумнист е во неколку весници: „Нова Македонија“, „Утрински весник“ и „Штипски глас“.