Стрежевско Езеро

Стрежевско Езеро (познато и како Стрежево) — вештачко езеро во областа Ѓават-Кол, во јужниот дел на Македонија, изградено во средниот тек на реката Шемница, десна притока на Црна Река.^[1]

За други значења на поимот, погл. Стрежево (појаснување).

Стрежевско Езеро Стрежево
Поглед на езерото Стрежево
Координати	41°8′15.4″N 21°10′6.8″E
Вид	вештачко
Главни приливи	Шемница
Главни истеци	Шемница
Сливни земји	Македонија
Најг. должина	6,5 км км
Најг. ширина	1 км км
Површина	{{Пб/Грешка во изразот: Непрепознаен интерпункциски знак „к“ |1=Грешка во изразот: Непрепознаен интерпункциски знак „к“ }}7,5 км2 км2
Зафатнина	116,82 милиони м3 км3
Надм. височина	739 м м
Острови	0

Езерото се наоѓа на 22 километри од градот Битола. Езерото има издолжен облик и зафаќа вкупна површина од 7,5 км². Административно, езерото во целост се наоѓа во Општина Битола.

Брана

Браната е изградена од насипан чакал и од камен, со глинено јадро. Висока е 72 м, со должина на круната од 632 м и широчина од 10 м. Езерото е долго 6,5 км, а средната широчина при максимално ниво на водата изнесува 1 км. При максимално ниво на водата (кота од 739,5 м), површината на езерото изнесува 7,5 км², а во езерото се акумулираат 116.820.000 м³ вода. Езерото редовно се порибува.^[2][3]

Употреба

Стрежево претставува езеро кое се користи за наводнување, водоснабдување, како и производство на електрична енергија.^[4]

Од ова езеро со вода за пиење се снабдува градот Битола и поголем дел од Пелагонискиот Регион.

Галерија

• 
  Испразнетото езеро во летниот период
• 
  Поглед на езерото
• 
  Панорамски поглед на езерото со истоименото село
• 
  Браната на езерото покриена со вегетација
• 
  Исушен дел од езерото кај селото Свиниште

Поврзано

• Стрежево (хидросистем)