Тајлер Фарар

Тајлер Фарар (англиски: Tyler Farrar; р. 2 јуни 1984 ) — поранешен американски професионален друмски велосипедист, кој професионално настапувал во периодото 2003-2017.^[1]

Тајлер Фарар

Фарар на Схелдепрејс 2015
Лични податоци
Цело име	Тајлер Фарар
Роден	2 јуни 1984(1984-06-02) (41 г.) Веначи,  САД
Висина	1,83 м
Маса	74 кг
Податоци за клубот
Мом. клуб	пензиониран
Дисциплина	друмски велосипедизам
Улога	возач
Вид на возач	спринтер
Професионални клубови
2003 2004–2005 2006–2007 2008–2014 2015-2017	Џели Бели-Карлсбад Клотинг Компани Хелт Нет-Максис Кофидис Слипстрим-Чипотл МТН Кубека
Значајни победи
Големи трки Тур де Франс 1 поединечна етапа (2011) 1 ТТТ етапа (2011) Џиро д’Италија 2 поединечни етапи (2010) 1 ТТТ етапа (2012) Вуелта а Еспања 3 поединечни етапи (2009, 2010) Етапни трки Сиркут Франко-Белж (2009) Делта Тур Зеланд (2009, 2010) Еднодневни трки и класици Ватенфал Класик (2009, 2010) Гроте Шелдепријс (2010)

Негови најголеми достигнувања ги вклучуваат победите на Сиркут Франко-Белж во 2009 и еднодневната трка Ватенфал Класик во изданијата од 2009 и 2010. На големите трки освоил шест поединечни етапи, како и учествувал во две победи во екипен хронометар.

Велосипедска кариера

Фарар започнал да вози на 13 години и возел за Џели Бели-Карлсбад Клотинг Компани во 2003 година, за Хелт Нет-Максис во 2004 година и за Кофидис во 2006 и 2007 година. Во април 2006 година паднал близу крајот на Сиркут де ла Сарт и ја скршил клучната коска и го пропуштил поголемиот дел од сезоната. За сезоната 2008, се префрлил во Слипстрим-Чипотл.

Има освоени етапи на Џиро д’Италија,^[2] Вуелта а Еспања, Три дена Де Пане, Тур де Франс и САД Про Сајклинг Челинџ. Ја носел жолтата маичка на третата етапа на Трката околу Калифорнија 2008 по добивање на бодовите за спринт во текот на втората етапа.

Фарар на Гент-Вевелгем 2011

Фарар е многу популарен во Фландрија, бидејќи течно го говори холандскиот јазик и живее во белгискиот град Гент. Во 2012 година бил прогласен за почесен граѓанин на Гент.^[3]

Во мај 2011 година, Фарар заедно со целата екипа Леопард Трек, се повлекле од Џиро д’Италија како знак на почит за неговиот пријател и тренинг-партнер Ваутер Вајлант, кој загинал во несреќа на третата етапа од трката.^[4]

На 4 јули 2011, Фарар ја освоил неговата прва етапа на Тур де Франс, Етапа 3 од Олон сир Мер до Редон, станувајќи првиот Американец кој освоил етапа на трката на 4 јули.^[5]

Фарар паднал четири пати на Тур де Франс 2012,^[6] вклучувајќи пад при спринтерска завршница, по кој беснеел по автобусот на екипата Аргос-Шимано, барајќи да се соочи со Том Велерс, кого го обвинил за несреќата. На САД Про Сајклинг Челинџ 2012, Фарар ја освоил својата прва победа во сезоната. На воведната етапа, Фарар изјавил дека бил изненаден дека преживеал на планинскиот терен и можел да се натпреварува во спринтот. Пристигнувајќи во Теларајд, Колорадо во група од 57 возачи, тој бил најбрзиот член на целта.^[7] Повторно победил на петтата етапа на трката, посветувајќи ја победата на неговиот медисон партнер Мајк Крид, кој собирал пари за жртвите во пожарите кои се случиле во Колорадо Спрингс.^[8] Поради двете победи успеал да собере доволно бодови за освојување на зелената маичка. Подоцна во сезоната, Фарар доживеал страшна несреќа во текот на првата етапа на Трката околу Британија 2012, забележувајќи силен потрес на мозокот.^[9] Во октомври, на Фарар му било дозволено да почне со тренинзите од докторот на екипата, Прентис Стефен, кој изјавил: „Здравјето на спортистот е секогаш наш врвен приоритет“.^[10]

Фарар има углед за предизвикувања или вмешаност во падови.^[11]

По седум години со Слипстрим-Чипотл и скоро безнадежната сезона 2014, Фарар потпишал со МТН Кубека за сезоните 2015 и 2016.^[12] По настапот на Гран при Монтреал 2017, Фарар го најавил своето повлекување од трките.^[1]

Достигнувања

2002

1. Јуниорски поединечен национален првак

1. Јуниорски екипен национален првак

1. Јуниорски олимписки спринтерски национален првак

1. Краен пласман Тур л’Абитиби

1. Етапа 4

1. Краен пласман Три дена Аксел

2004

1. Етапа 7 Тур де л’Авенир

2005

1. Национален првак во критериум

1. Етапа 2 Тур де л’Авенир

2007

1. Етапа 2 Кореиос де Португал

9. Курне-Брисел-Курне

2008

1. Краен пласман Трка околу Бахами

1. Етапа 2

1. Етапа 3

1. Етапа 1 Тур ду Поату-Шарент

4. Унивест Гран при

5. Париз-Тур

6. Меѓународно првенство Филаделфија

9. Гран при д’Исберг

2009

1. Краен пласман Сиркут Валони-Пикард

1. Етапа 1

1. Етапа 2

1. Бодовен пласман

1. Краен пласман Делта Тур Зеланд

1. Пролог

1. Бодовен пласман

1. Пласман за млад возач

Енеко Тур

1. Етапа 1

1. Етапа 2

1. Етапа 4

1. Ватенфал Класик

1. Етапа 3 Тирено-Адријатико

1. Етапа 11 Вуелта а Еспања

2010

1. Краен пласман Делта Тур Зеланд

1. Бодовен пласман

Џиро д’Италија

1. Етапа 2

1. Етапа 10

Вуелта а Еспања

1. Етапа 5

1. Етапа 21

1. Етапа 3A Три дена Де Пане

1. Ватенфал Класик

1. Шелдепрејс

2. ГП Уест-Франција

3. Омлоп Хет Ниувсблад

5. Трка околу Фландрија

9. Гент-Вевелгем

2011

Тур де Франс

1. Етапа 2 (ТТТ)

1. Етапа 3

1. Етапа 2 Тирено-Адријатико

1. Етапа 2 Стер ЗЛМ Тур

1. Трофео Палма де Мајорка

1. Трофео Кала Милор

3. Дварс дор Вландерен

3. Гент-Вевелгем

4. Курне-Брисел-Курне

10. Светско друмско првенство UCI

2012

САД Про Сајклинг Челинџ

1. Етапа 1

1. Етапа 5

1. Бодовен пласман

1. Етапа 2 (ТТТ) Трка околу Јута

1. Етапа 4 (ТТТ) Џиро д’Италија

2. Краен пласман, Трка околу Катар

1. Етапа 2 (ТТТ)

2. Гроте Шелдепрајс

5. Краен пласман Три дена Западна Фландрија

2013

1. Етапа 4 Трка околу Калифорнија

2. Трофео Палма де Мајорка

2. Трофео Кампос-Сантањи-Сес Салинес

3. Краен пласман Тур де л’Еурометропол

1. Етапа 3

4. Париз-Тур

6. Шелдепрејс

2014

1. Етапа 3 Трка околу Пекинг

2. Дварс дор Вландерен

2. Шелдепрејс

4. Ватенфал Класик

8. Е3 Харелбеке

10. Краен пласман Стер ЗЛМ Тур

1. Бодовен пласман

2015

9. Схелдепрејс

Распоред на резултатите на големи трки

Голема трка	2009	2010	2011	2012	2013	2014	2015	2016
Џиро	СО	СО	СО	СО	—	147	—	—
Тур	151	СО	159	151	—	—	154	—
Вуелта	СО	142	СО	—	124	—	—	155

СО = се откажал; — = не учествувал

Рекламирање

Фарар се појавувал на воведните најави за утринската временска прогноза на ITV London. Прогнозите биле спонзорирани од Transitions Lenses, кој исто така е спонзор и на тимот на Фарар.^[13][14]