Тепсија

Тепсија^[1][2] или чаркија^[3][4] — плиток кујнски сад за печење храна, најчесто од метал. Со округла форма, најчесто во пречник има околу 40 см, но се изработува и во други димензии. Висината е обично околу 5 см. Исто така може да биде и со правоаголна форма.

Метална округла тепсија

Правоаголна тепсија

Во тепсии најчесто се пече: месо, бурек, пита... Тепсијата најчесто се користи за печење во рерна и шпорет.

Отоманска Македонија

Во Отоманска Македонија и постотоманскиот период, тепсијата била една од најчесто застапените кујнски прибори. Постеле повеќе видови тепсии, главно во зависност од употребата на предметот. „Баклаварка“ е неформално име на тепсија која се користела исклучиво за печење баклава. Таа по форма е тркалезна, плитка и направена од едно парче бакар, Има венец подаден нанадвор и завршува со сосема мал раб свиткан нагоре. Внатрешната страна од тепсијата на најширокиот дел, под самиот венец, е украсена со мотиви, но мотивот може и да недостасува во зависност од изработувачот. ^[5]-

Тркалезната тепсија за печење пита е со рамно дно, со повисок перваз, чиј раб е зајакнат и свртен нанадвор. Од внатрешната страна первазот е украсен со прави и со коси рецки. Внатрешноста на синијата, покрај работ од первазот, често била украсена со венец од мотивот „рибина коска“, а на неговата долна и горна страна се наоѓа венец од точки. Овој вид орнаментика е застапен кај многу садови за секојдневна употреба во градската и во селската покуќнина во Македонија.^[5]

Поврзано

• Тенџере
• Лонец
• Тава