Тетанус

Тетанусот е акутна болест која ја предизвикува бактеријата (латински: Clostridium tetan) која произведува два токсини, од кои еден доведува до прекин на црвените крвни зрнца, а другиот се шири по централниот нервен систем, што предизвикува болни мускулни контракции и мускулна ригидност. До инфекција со бактеријата доаѓа преку повреди и рани на кожата. Тетанусот е проширен низ цел свет, но се спречува со вакцинација.

Тетанус
Мускулни грчеви, кај пациент со тетанус
Специјалност	Заразна болест

Ве молиме, обрнете внимание на ова важно предупредување во врска со темите од областа на медицината (здравјето).

Симптоми

Болеста се манифестира со:

• треска;
• мускулни грчеви, постојат два вида на грчење:
  • постојано - континуирани, не минуваат и до неколку дена;
  • повременo - краткотрајни кои траат од неколку секунди до една минута.

Инкубацијата трае два дена па дури и до неколку месеци. Кај пациентите прво се забележуваат мускулни грчеви при џвакање, а потоа грчењето се шири низ цело лице, што доведува до карактеристичен изглед на лицето на заболениот (латински: facies tetanica). Потоа грчевите ги зафаќаат и мускулите во грбот, па пациентот го тера на лежење во необична положба (во лак кон наназад). Кога грчевите ќе ги зафатат и предниот дел, кај градниот кош и стомакот, кај пациентот се јавуваат тешкотии со дишење.

• Покрај грчење на мускулите, присутни се и болки на целата мускулатура. Во лесните облици ова грчење трае по неколку секунди, но во потешките и до минута, но се повторуваат на неколку минути, со што се влошува состојбата на пациентот. Во случај на подолго грчење на респираторната мускулатура може да дојде и до цијаноза и смрт кај пациентот.

Дијагноза

Дијагнозата се поставува исклучиво на темелно прегледување на клиничката слика, а посебно треба да се обрати внимание на раните на пациентот.

Лекување

За лекување на тетанусот потребно е обработка на раните и антибиотска терапија, најчесто со пеницилин. Потребно е да се примени и хуман тетанус имуноглобулин (HTIG) и тетанус анатоксин. На пациентите им се дава и препарати од диазепам, мускулни релаксанси, бета блокатори, аналгетици и кардиотоници. Се препорачува и одење во тивки и мрачни простории, по можност во болнички услови.

Надворешни врски

Класификација	П · Р · П МКБ-10: A33-A35 МКБ-9-CM: 037, 771.3 MeSH: D013742 DiseasesDB: 2829
Надворешни извори	MedlinePlus: 000615 eMedicine: emerg/574

Портал од областа на здрвјето