Тодор Атанасовски

Тодор Атанасовски (Кавадарци, 1925 - Скопје, 26 јули 2018 ) — македонски национално-политички деец и генерал-полковник на ЈНА. Бил активен учесник во работничкото движење спроти Втората светска војна и воено лице од НОБ (1941). Подоцна работел како комесар на баталјон и бригада во рамките на ЈНА.^[1]

Тодор Атанасовски
Роден	1925 Кавадарци, Кралство СХС
Починал	26 јули 2018 Скопје, Македонија
Националност	Македонец
Народност	Македонец

По ослободувањето, завршил Виша воена академија и како активен офицер бил началник на Штабот на Народната одбрана на Скопје, потоа оперативен началник и командант на Територијалната одбрана на Македонија. Исто така бил член на централниот комитет на СКМ и претседател на Сојузот на борците од НОВ.

По осамостојувањето на Република Македонија членувал во Советот за национална безбедност. Автор е на голем број коментари од дневниот печат и на неколку стручни студии.^[2]