Толедо (покраина)

Толедо - покраина во средишна Шпанија, во западниот дел на автономната заедница Кастиља-Ла Манча. Се граничи со покраините Мадрид, Куенка, Сиудад Реал, Бадахос, Касерес и Авила. Главен град е градот Толедо.

Покраина Толедо Provincia de Toledo
Покраина
Знаме Грб
Местоположба на покраината Толедо во Шпанија
Држава	Шпанија
Автономна заедница	Кастиља-Ла Манча
Престолнина	Толедо
Површина
• Вкупна	15.370 км2 (5,930 ми2)
Ранг	8.
• Ранг	22.
Парламент	Кортес генералес

Демографија

Од 711.228 лица во покраината (2012), само околу 1/9 живеат во главниот град Толедо, кој исто така е главен град на автономната заедница. Најпоанати општини во покраината се Толедо и Талевера де ла Реина со 83.741 и 83.303 жители за двете (ИНЕ, 2017).

Покраината содржи 204 општини. Најмалата општина во Шпанија, Иљан де Вакас, со население од 8, е во покраината Толедо.

Политика и власт

Покраинска власт

Седиште на покраинскиот совет.

Владиното тело на покраината е Покраинскиот совет на Толедо. Неговото седиште се наоѓа во Толедо. Членовите на собирот на советот (diputación) индиректно се избираат од редот на општинските советници во покраината, врз основа на резултатите од општинските избори. За возврат, пленарниот парламент го избира претседателот на советот од редот на своите членови.

Претставување во централната власт

Владата на Шпанија назначува владин под-делегат за покраината, чие седиште е во Толедо. Владиниот делегат што е надлежен за застапување во целата автономна заедница Кастиља-Ла Манча исто така има свое седиште во Толедо.

Грб на покраината Толедо

Од 2013 година покраината Толедо го користи грбот на градот, империјалниот црн двоглав орел, кој носи штит со грбовите на Кастиља и Леон, party per pale (поделен грб на вертикална половина) со грбот на поранешното Кралство Толедо. Орелот е придружен од двете страни со столбовите на Херакле.^[1]

Географија

Покраината го дели Националниот парк Кабањерос со покраината Сиудад Реал. Корочо де Росидалго, кој се наоѓа на Толедските Планини, е највисоката точка на покраината (1.448 м).^[2] Тахо тече низ покраината од североисток кон запад. Некои притоки на десниот брег се Гвадарама, Алберче или Тјетар.

• 
  Баранкас де Бурухон на меандрата на Тахо
• 
  Реката Торинас
• 
  Селско краиште близу Алмонасид де Толедо
• 
  Поглед од Корочо де Росигалгос