Тона

Тонa (наречена и тон; симб. т, t) е единица за маса од метричкиот систем еднаква на 1000 килограми или 1 мегаграм (1 Мг).^[1] Единицата не е дел од системот SI, но е прифатена за употреба со нетовите единици.^[2][3] Во САД има назив „метричка тона“ за да се избегне забуна со „кратката“ тона.^[4]

Оваа статија се однесува на мерна единица за маса. За други значење на зборот, погл. Тон (појаснување).

тон Мегаграм
Бетонски блок од 1 тон (1000 кг).
Информации за мерката
Мерен систем	прифатена за употреба со единиците на SI
Единица за	маса
Ознака	t Mg
Претворање на единици
1 тон мегаграм во ...	... е еднакво на ...
Основни SI-единици	1000 кг

Во други единици

Една тона е еднаков на:

• еден мегаграм (по дефиниција);
  • мегаграмот, (Мг, Mg) е службен поим на SI, но ретко наоѓа употреба; друг недостаток е тоа што симболот Мг е мошне сличен на симболот за милиграм, „мг“ (mg)
• ¹⁰⁰⁰⁄_{0,453 592 37} фунти (точно, согласно дефиницијата на фунтата),^[5]
  • прибл. 2.205 фунти (lb)
• 98,42% од долгата тона
  • еден долг тон (2.240 lb) е 101,605% од тоната
• 110,23% од кратката тона
  • еден кратка тона (2.000 lb) е 90,72% of од тоната

Изведени единици

Во општа употреба, големите маси се изразуваат во милиони тони. Единиците килотон, мегатон и гигатон во практика се однесуваат на енергијата што ја ослободуваат големи експлозии како атомското оружје и високоенергетски природни појави. Како такви, тие се само приближни заокружувања.

Тони			Грамови
Кратно	Назив	Симбол	Кратно	Назив	Симбол
100	тона	т / t	106	мегаграм	Мг / Mg
103	килотон	кт / kt	109	гигаграм	Гг / Gg
106	мегатон	Мт / Mt	1012	тераграм	Тг / Tg
109	гигатон	Гт / Gt	1015	петаграм	Пг / Pg
1012	тератон	Тт / Tt	1018	ексаграм	Ег / Eg
1015	петатон	Пт / Pt	1021	зетаграм	Зг / Zg
1018	ексатон	Ет / Et	1024	јотаграм	Јг / Yg

Изразување на енергија преку масата

Изразот „тони тринитротолуол (ТНТ)“ се користи како посреден начин на изразување на големи количества на ослободена енергија. Во употреба се претставките: „кило-“, „мега-“ и „гига-“, особено кога станува збор за енергијата што ја оддава атомското оружје, врз основа на согорливата енергија на ТНТ 4.2 МЏ/кг (или една термомеханичка калорија на милиграм). Оттука, 1 килотон ТНТ = 4,2 ТЏ, 1 Мт ТНТ = 4,2 ПЏ.

Единицата за енергија во системот SI e џулот (Џ, Ј). Ако една експлозија на ТНТ оддава 1.000 мали (термохемиски) калории на грам (4,2 kJ/гр.), еден тон ТНТ би оддал 4,2 гигаџули.

Поврзано

• Тонажа - носивост на бродовите
• Тон (боја)
• Тон (лингвистика)
• Тон (звук)
• Бруто-регистарски тон
• Величински редови (маса)