ССОУ „Коле Неделковски“ - Велес

Средното стручно општинскп училиште „Коле Неделковски“ — средно училиште во Велес, Општина Велес^[1]. Училиштето е формирано во 1965 година како индустриско училиште за практична настава.

ССОУ „Коле Неделковски“
ССОУ „Коле Неделковски“
Место
Општина:	Велес
Место:	Велес
Адреса:	Андон Шурков бр.4а
Основни информации
Директор:	Весна Стојанова Богоевска
Настава на:	македонски
Контактни информации
Портал	kolenedelkovskive.schools.edu.mk
е-пошта	[e-mail]

Основање и развој

Со решение на собранието на Општина Титов Велес од 22.09.1965 г. се формирало индустриско училиште УЗУС (Училиште за ученици во Стопанството) “Коле Неделковски“. Школувањето траело три години а учениците биле поделени во три смера: метален, ќерамички и текстилен.

Училиштето е сместено во сопствена зграда на ул.Андон Шурков бр.4 во Велес истото се наоѓа помеѓу индустриската и урбаната зона со одлична комуникација во одност однос на главните сообраќајници (Е-75) и железничката станица на пругата Белград – Атина.

Во текот на своето постоење во училиштето се изведувала настава од повеќе образовни струки како што се метална, керамичка, текстилна, но денес застапени се машинската, електротехничката, сообраќајната и угостителската струка.

Образовни профили

• Техничар за компјутерско управување
• Автотехничар - Мехатроничар
• Машински Техничар
• Машинско Енергетски Техничар
• Автомеханичар
• Заварувач
• Металостругар
• Машинобравар
• Електротехничар за компјутерска техника
• Електротехничар за електроника и телекомуникации
• Електротехничар енергетичар
• Електроинсталер и монтер
• Електромеханичар
• Електромеханичар за електронски уреди
• Техничар за транспорт и шпедиција
• Келнер - Готвач

Учество на натпревари

Училиштето редовно учествува во Државните натпревари на електротехничките, машинските и сообраќајните средни училишта. За истакнување се наградите кои ги освојуваат нашите ученици посебно во струките машинобравар и металостругар.

Директори на училиштето

• Гравчевски Тодор
• Сарагинов Никола
• Ковачки Видосав
• Ончевска Благојка
• Ајтов Трајко
• Јанев Александар
• Алексоски Гоце
• Елисковски Валентин
• Иванов Томислав
• Ристовски Боро
• Ѓакова-Панова Цветанка
• Стојанова Богоевска Весна

Познати личности кои учеле во ова училиште

• Проф.Д-р. Кочо Анѓушев - стопанственик
• Пепи Манасков - ракометар, член на РК Борец, VFL Hameln, РК Пелистер, РК Цеље пивоварна Лашко, HC Filipos Verias и РК Вардар
• Панче Ќумбев - фудбалер и репрезентативец на А селекцијата на Р Македонија, член на ФК Борец, ФК Победа, FC Legia Warszawa и ФК Работнички

Култура и спорт

Театарска претстава “Бумеранг“

Значајно место во културно забавниот живот зазема и драмската секција во училиштето, која со повеќекратното изведување на своите претстави (“Бумеранг“, “Така требаше да биде“, “Солунски патрдии“ и др.) е чест гостин и на разните културните манифестации организирани на локално ниво. Исто така учеството и постигнатите резултати на литературни конкурси покажува дека училиштето, иако е стручно, не ги занемарува и општообразовните предмети, туку напротив делува стимулативно на учениците кои ги имаат овие квалитети да добијат шанса слободно да ги изразат.

КУД “Коле Неделковски“ со своето 18 годишно постоење е водечко културно уметничко друштво во Општината и во Р Македонија. Со своето учество на разните домашни и интернационални фестивали ја зголемува својата популарност, го подигнува нивото на културно уметничката свест кај младите со што претставува гордост на училиштето и градот Велес.

Фудбалот, ракометот, атлетиката ... воопшто спортот, е поле на кое ССОУ “Коле Неделковски“ било водечко училиште во Општината. Екипите на училиштето во секоја натпреварувачка година земаат учество на регионалните и државните натпревари во различните спортови, забележувајќи при тоа резултати за вистинска почит. Голем број на познати спортски имиња почетните чекори во своите професинални кариери ги направиле токму на спортските терените на училиштето.

Меѓународна соработка

Збратимени училишта

ССОУ “Коле Неделковски е веќе две години во збратимени односи со средното училиште “Stanisława Staszica“ од полскиот град Новогард. Веќе неколкупати е реализирана меѓусебна посета на ученици и колеги од овие две училишта. Тие имаа прилика да се запознаат со условите во кои работат, одликите на двата образовни система но и истовремено да се дружат, забавуваат и запознаат поблиску со двата града, Новогард и Велес.

Фотографии

• 
  Кабинет по практична настава
• 
  Мултифункционална сала
• 
  Гости од Полска
• 
  Кабинет за деловно работење
• 
  Фискултурна сала
• 
  Хуманитарна претстава
• 
  Културно уметничко друштво „Коле Неделковски“
• 
  Нашите ученици од профилот Келнер - готвач
• 
  Автошкола
• 
  Отворен ден
• 
  Ракометната екипа