Хоџа Шемс

Хоџа Шемс (турски: Hoca Şems) — поранешно скопско маало.

Хоџа Шемс
Маало
Местоположба на маалото во рамките на Скопје во 1899 година.
Координати: 42°00′07″N 21°26′20″E
Држава	Македонија
Општина	Денес тоа е во Чаир

Местоположба

Маалото се протегало источно од Скопската чаршија и јужно од Бит-пазар. На југ се наоѓало маалото Ине Бег, а на запад Мурадије. Од плоштадот „Македонија“ било оддалечено 800 метри североисточно.

Историја

Според опширните османлиски дефтери за населението на Скопската Каза од 1832/33 година, маалото било муслиманско, со 11 муслимански домаќинства. На овој попис биле забележани 29 мажи муслимани, со 8 новороденчиња. Се проценува дека маалото во тој период имало 74 жители.^[1]

Сегашност

Влезот од маалото Хоџа Шемс кон чаршијата.

Денес, некогашното скопско маало е пресечено со булеварот „Крсте Петков Мисирков“. Тука се наоѓа автобуската станица према Центар, Бит-Пазар 4, аптеката „Зегин“, хотелите „Хамбург“, „Арка“, „Султан“, „Голд“, како и различни продавници.