Продавница

Продавница, дуќан^[1], магазин^[2], магаза^[3] – просторија каде што се продава стока.^[4] Продавниците може да се делат по неколку критериуми. Според обликот на достапност и преземање на стоката се делат на:

• продавници во кои стоката не им е достапна на купувачите, карактеристични по продажниот пулт зад кој се наоѓа еден или повеќе продавачи кои ги послужуваат купувачите и ја наплаќаат стоката пред издавање. Овој облик е карактеристичен за помали, маалски продавници кои може да бидат со широка намена, но и специјализирани, како пекарница, месарница, новински киоск.
• самопослужни продавници каде стоката им е достапна на купувачите кои најчесто ја ставаат во корпи или колички, па пред излегување плаќаат на каса.

Дуќан за свеќи во Стара чаршија - Скопје

Самопослуга

Постојат разни видови продавници специјализирани за продажба на разни предмети како што се:

• облека
• поклони
• спортска опрема
• обувки
• прехрана
• мебел
• играчки

Поголеми објекти во кои се продаваат различни видови производи, зависно од организациската структура се нарекуваат трговски центри, стоковни куќи или самопослуги.

Продавницата како тема во уметноста и во популарната култура

• „Продавница на тајни“ (италијански: La Butique del Mistero) - збирка раскази на италијанскиот писател Дино Буцати (Dino Buzzati) од 1968 година.^[5]
• „Продавници со боја на цимет“ (полски: Sklepy cynamonowe) збирка раскази на полскиот писател Бруно Шулц од 1934 година.^[6]
• „Изгубен во супермаркетот“ (Lost In The Supermarket) - песна на англиската рок-група „Клеш“ (The Clash) од 1979 година.^[7]

Галерија

• 
  Продавницата на Луј Витон во Келн, Германија
• 
  Продавницата на Ролекс во Келн
• 
  Продавницата на Брајтлинг во Келн
• 
  Продавницата на Булгари во Келн
• 
  Продавницата на Прада во Прага, Чешка
• 
  Продавницата на Ролекс во Прага
• 
  Продавницата на Сваровски во Прага
• 
  Продавница на Шопар (Chopard) во Карлови Вари, Чешка
• 
  Продавница за облека во Скопје

Поврзано

• Фабричка продажба
• Супермаркет