Цари Врв

Цари Врв (бугарски: Цари връх), наречен и Царев Врв (Царев връх), Голем Царев Врв (Голям Царев връх) или Алиботуш — врв на планината Славјанка (Али Ботуш) во јужна Пиринска Македонија. Висок е 2.183 м.

Цари Врв
Цари връх
Поглед на Цари Врв
Највисока точка
Надм. вис.	2.183 м
Координати	41.3995°N 23.6404°E / 41.3995; 23.6404
Друго име	Цари връх
Географија
Цари Врв на карта
Место	Општина Свети Врач/Општина Хаџидимово, Пиринска Македонија
Матичен венец	Славјанка

Се издига на највисокиот од второстепените ридови на планината, северно од главното планинско било и на североисток од првенецот Гоцев Врв. Има куполест облик со стрмни и лавиноопасни западни и источни падини. Врвот е сочинет од мермери. Покриен е со тенка кафеава шумска почва. Во ниските делови е обраснат со шуми од муника, а над 2.000 м.н.в. со високопланинска тревна растителност. Се наоѓа во рамките на резерватот „Али Ботуш“.

Искачување

Главни приоди за искачување на врвот се планинарските домови „Славјанка“ (над с. Парил) и „Извора“ (над с. Петрово).^[1]

Поврзано

• Резерват Али Ботуш
• Гоцев Врв
• Шабран
• Царев Врв — истоимен врв во Осоговијата