Циганчиња (птици)

Циганчиња или црвеноопашки^[1] (науч. Phoenicurus) — род врапчевидни птици од семејството на муварчињата (Muscicapidae), native to Европа, Азија и Африка. По изглед се групираат со уште три сродни рода, кои исто така имаат црвенкасти опашки. Ова се мали инсектојади, каде мажјаците се обоени во разни комбинации на црвена, сина, бела и црна, додека пак женките се светлокафеави со црвена опашка.^[2] Во 2010 г. кон родот се додадени птиците од родовите Rhyacornis (1 вид) и Chaimarrornis (2 вида) поради укинување на тие родови како неточни согласно новоутврдената молекуларна филогенија.^[3][4]

Циганчиња (птици)

Циганчиња
Циганче (Phoenicurus ochruros)
Научна класификација [ у ]
Класа:	Птици
Ред:	Врапчевидни
Семејство:	Муварчиња
Род:	Циганчиња T. Forster, 1817

Во Македонија како домородни се присутни циганчето и лисестото циганче^[5], а како новодојдено е забележано и белокрилото циганче^[1], кое вообичаено живее само во Азија.

Родот е воведен од англискиот природонаучник Томас Форстер во 1817 г.^[6][7]

Видови

Во родот спаѓаат следниве видови:^[4]

• Пржевалскиево циганче (Phoenicurus alaschanicus)
• Црвеногрбо циганче (Phoenicurus erythronotus)
• Седоглаво циганче (Phoenicurus coeruleocephala)
• Циганче (Phoenicurus ochruros) наречено и „планинска црвеноопашка“  ^МК
• Лисесто циганче (Phoenicurus phoenicurus) наречено и само „црвеноопашка“  ^МК
• Полско циганче (Phoenicurus hodgsoni)
• Белогушесто циганче (Phoenicurus schisticeps)
• Огледално циганче (Phoenicurus auroreus)
• Белочелно циганче (Phoenicurus moussieri)
• Белокрило циганче (Phoenicurus erythrogastrus)  ^МК
• Синочелно циганче (Phoenicurus frontalis)
• Речно циганче (Phoenicurus fuliginosus) (порано во родот Rhyacornis)
• Двобојно циганче (Phoenicurus bicolor) (порано во родот Rhyacornis)
• Белоглаво циганче (Phoenicurus leucocephalus) (порано во монотипниот род Chaimarrornis)

Фосилни видови

• Phoenicurus erikai (плиоцен, наод од Чарнота, Унгарија).^[8]
• Phoenicurus baranensis (плиоцен, наод од Беременд, Унгарија).^[8]