Црква „Вознесение Христово“ - Тополчани

Вознесение Христово (Св. Спас) — црква во прилепското село Тополчани, претставник на Македонската преродба. Му припаѓа на Прилепското архијерејско намесништво во Преспанско-пелагониската епархија на МПЦ - ОА.

Фреска на св. Методиј, јужен ѕид на наосот.

Вознесение Христово
Фреска на св. Кирил од јужниот ѕид на наосот
македонска православна црква
Епархија	Преспанско-пелагониска
Архијерејско намесништво	Прилепско
Парохија	Тополчанска
Местоположба
Координати	40°13′48″N 21°25′48.9″E
Место	Тополчани
Општина	Прилеп
Држава	Македонија
Општи податоци
Покровител	Исус Христос
Завршено	1864
Живопис	1864 - 1869
Архитектонски опис
Стил	преродбенички

Црквата е сместена на сретселото. Според натписот на мермерна плоча, градежните работи се завршени на 26 мај 1864 г. под началствувањето на митрополитот Венедикт Византиски. Зографските работи во внатрешноста започнале веднаш по изградбата. Ангажиран е зографот Адамче Најдов од Прилеп, чие име со годината 1864 се спомнува на краткиот натпис на напречната греда во наосот. Друг натпис на гредата над јужната врата вели дека живописувањето е завршено на 29 јули 1869 г. за време на свештеникот Алексиј Константинов и епитропите Нешко и Тошо Кочеви, а зографи биле Константин и Димитар Анастасови од Магарево.^[1]

Поврзано

• Тополчанска парохија
• Прилепско архијерејско намесништво