Црква „Св. Ѓорѓи“ - Галишта

Свети Ѓорѓи (грчки: Ναός Αγίου Γεωργίου) — средновековна црква во селото Галишта, Костурско, Егејска Македонија.^[1][2][3][4] Влегува во состав на Костурската епархија на Цариградската патријаршија. Изворно ѝ припаѓала на Охридската архиепископија.

Свети Ѓорѓи
Αγίου Γεωργίου
Црквата од северозапад
40°25′52.33″N 21°7′11.28″E
Место	Галишта, Костурско
Земја	Егејска Македонија, Грција
Вероисповед	Цариградска патријаршија
Архитектура
Културнонаследна категорија	споменик на културата
Стил	преродбенички
Изградба	XIII век
Управа
Архијерејско намесништво	Желгошко
Епархија	Костурска

Историја

Црквата била првобитно била главна црква на стар манастир. Изградена е во XI или XII век,^[5] и поконкретно средината на XII век според првиот живописен слој.^[4] Вторите живописи се од 1287 г., како што вели еден натпис.^[4]

Во 1684 г. селото Галишта заедно со црквата „Св. Ѓорѓи“ и селото Чука со манастирот „Св. Архангели“ му се дадени на манастирот „Пресв. Богородица Мавровска“ како негов имот.^[6]

Според Трпо Поповски и Златко Каратанасов, во 1872 г. при случајно кутнување на еден ѕид во црквата откриена е ризница на старословенски ракописи на пергамент, но истите се изгорени од костурскиот митрополит Никифор.^[7][8][9]

Во 1924 г. храмот е прогласен за споменик на кулурата.^[10]

Црквата е реставрирана во 1950 г. и повторно во 1989 г.^[11][12][13]

Архитектура

Првичната црква била крстокуполна со нартекс, а подоцна ѝ е придодаден втор напречен кораб, вклучувајќи ги во себе дотогаш одделната камбанарија и галеријата со параклиси од северната и јужната страна.^[5] Градбата архитектонски наликува на „Пресв. Богородица Перивлептос“ во Охрид.^[4]

Живопис

Првичнот живописен слој е запазен само во фрагменти, откриени при реставрација. На западната страна на новиот кораб има добро зачувани фрески од 1287 г. Фрески од првиот период се зачувани, и ги има и во горниот кат на камбанаријата. Во северниот ѕид на храмот има уникатна икона на Свети Ѓорѓи од XIII или XIV век, каде тој е преставен полн раст во речиси висок релјеф и во висина од 2,6 метри.^[4]

• Фрески во црквата
• 
• 
• 
• 
• 
• 
• 
• 
• 
• 
• 
• 
• 
• 
• 
• 

Литература

• Α. Πέτκος,-Μ. Παρχαρίδου, Ανάγλυφη εικόνα του Αγίου Δημητρίου από την Ομορφοκκλησιά Καστοριάς, Μακεδονικά, τ. ΛΒ΄, Θεσσαλονίκη 2001 Резюме^{[мртва врска]}
• Мавродинов, Никола. Проучвания върху старобългарското изкуство (отпечатък от Годишник на народния музей, кн.VI /1932-1934/)

Поврзано

• Костурска епархија