Црква „Св. Ѓорѓи“ - Лавце
црква во селото Лавце From Wikipedia, the free encyclopedia
Remove ads
Свети Ѓорѓи — главна селска црква во тетовското село Лавце, Македонија.[1]
Црквата е особено посетувана поради чудотворниот даб, кој има отвор и во кој луѓе од сите националности се протнуваат три пати за да решат некој проблем.[2]
Remove ads
Местоположба
Црквата се наоѓа во источниот дел на селото.[3] Сместена е над асфалтниот пат кој доаѓа до селото, а покрај нејзе води патека до Тетовското кале.
Историја
Според легендата црквата потекнува од средината на 19 век. Имено тука дошла некоја жена од Русија на која ѝ се сонило да направи црква. Таа сама ги редела камењата и направила објект што личел на црква. Одвај се влегувало, но поставила крст и му дала име на светецот. На тоа исто место, зачувувајќи ги старите ѕидови, лавчани изградиле нова црква, а до неа и трпезарија која со годините прераснува во конак каде што се собираат на селската слава Атанасовден и на празникот „Св. Ѓорѓи“. Црквата била цел на кражби и оштетувања.[4]
Во 1946 година, кога селото било посетено од истражувачот Јован Трифуноски, во селото немало црква туку селаните имале изградено капела врз руините на старата црква.[3]
Од март 2019 година започнале активности на уредување на надворешниот дел на црквата, обложувајќи ја со декоративен камен. Во активностите биле опфатени и црковниот двор, конакот и трпезаријата. Воедно, била доградена камбанарија над влезната врата од црквата.[5]
Настани од 2001
За време на конфликтот од 2001 година црквата била подложна на воени дејствија. Биле забележани оштетувања на фасадата, скршени стакла на прозорците и оштетување на кровот. Во внатрешноста немало оштетувања.
Remove ads
Галерија
Поглед на црквата (2017 г.)
Ниша со фреска над западната страна на камбанаријата
Ниша со фреска над северната страна на камбанаријата
Влезот
Ниша со фреска над јужната страна на камбанаријата
Апсидата
Задниот дел
Конак во црковниот двор
Поврзано
Наводи
Надворешни врски
Wikiwand - on
Seamless Wikipedia browsing. On steroids.
Remove ads