Црква „Св. Јован Богослов“ - Костур

Свети Јован Богослов (грчки: Αγίου Ιωάννη του Θεολόγου) — црква во градот Костур, Егејска Македонија. Влегува во состав на Костурската епархија на Цариградската патријаршија. Храмот е дел од парохијата на „Св. Апостоли Сервиотски“.^[1][2][3][4]

Свети Јован Богослов
Αγίου Ιωάννη του Θεολόγου
Поглед на црквата
40.5157°N 21.2746°E / 40.5157; 21.2746
Место	Костур
Земја	Егејска Македонија, Грција
Вероисповед	Цариградска патријаршија
Архитектура
Статус	споменик на културата
Архит. тип	трикорабна базилика
Изградба	XIX век
Управа
Архијерејско намесништво	Костурско
Епархија	Костурска

Црквата била подигната во XIX век врз темелите на постар храм, чиј архитектонски елементи се вградени во ѕидаријата.^[2] Градбата претставува трикорабна базилика со припрата и отворен трем на јужната страна.^[2] Во внатрешноста има вредни икони, како тие на светецот-заштитник^[2] и на Благовештението. Иконите се стари и преработени, веројатно пренесени од постарата црква.^[3] Во храмот има и убава, насликана резба. На амвонот порано имало словенски натписи, но подоцна биле избришани.^[5]

Во 1991 г. црквата е прогласена за заштитен споменик на културата.^[1]

Икони

• 
  Сретението Господово со кирилични потписи, XVIII–почеток на XIX век
• 
  Свети Димитриј, денес во Костурскиот византиски музеј
• 
  Вознесение Илиево, 1898 г.
• 
  Рождество на Пресвета Богородица, XVIII век
• 
  Рождество Христово, XVIII–почеток на XIX век