Црква „Св. Петар и Павле“ - Ѓорче Петров

Свети Апостоли Петар и Павле — црква во населбата Ѓорче Петров во Скопје^[1]. Храмот е посветен на апостолите Петар и Павле и се наоѓа на крајот на самиот парк, веднаш до амбулантата, противпожарната служба и крстосницата која води кон населбата Даме Груев (Геге) и Волково. Црквата доминира со својата импозантна големина. Фасадата обложена со кршен камен е направена во поново време (2002 година) од мајстори Македонци од Пустец во Мала Преспа. Над влезната врата стои македонското 16-зрачно сонце од Кутлеш. Храмот „Св. Апостоли Петар и Павле“, што се наоѓа во населбата Ѓорче Петров, како соборен храм на верници од Општина Ѓорче Петров и на дел од Општина Карпош (Влае). Овој храм е првично изграден и осветен летото 1974 година на храмовиот празник - Петровден. Но заради лошата изведба и несоодветниот изглед, се јави потреба за негово реконструирање. Конечно во летото 2002 година Храмот беше реконструиран. Новиот изглед на грамот е со византиско-старомакедонски стил, со фасада изработена од камен и со нови 4 куполи. Сегашниот изглед на храмот “Св.Апостоли Петар и Павле” - Ѓорче Петров е уште еден бисер во македонската духовна архитектура.

Свети Апостоли Петар и Павле
Црквата „Свети Апостоли Петар и Павле“ во населбата Ѓорче Петров во Скопје
македонска православна црква
Епархија	Скопска
Архијерејско намесништво	Северноскопско
Парохија	Ѓорчепетровска
Местоположба
Место	Скопје
Општина	Ѓорче Петров
Држава	Македонија
Општи податоци
Покровител	Свети Апостол Петар Свети Апостол Павле
Изградба	1974
Архитектонски опис