Чифлиџик

Чифлиџик (грчки: Στρυμονοχώρι, Стримонохори; до 1926 г. Τσιφλιτζίκ, Цифлиѕик^[2]) — село во Валовишко, Егејска Македонија, денес во општината Синтика на Серскиот округ, Грција. Сè до 1920-тите било населено исклучиво со Македонци, а денес е мешано.^[3]

Чифлиџик Στρυμονοχώρι
Чифлиџик
Местоположба во областа Чифлиџик Местоположба на Чифлиџик во Серскиот округ и областа Централна Македонија
Координати: 41°15.14′N 23°20.2′E
Земја	Грција
Област	Централна Македонија
Округ	Серски
Општина	Синтика
Општ. единица	Валовишта
Надм. вис.	&1000000000000005000000050 м
Население (2021)[1]
• Вкупно	315
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа на 4 км западно од градот Валовишта, на почетокот на Серското Поле. Лежи на левиот брег на Струма, недалеку од јужното устие на Рупелската Клисура.

Историја

Во Отоманското Царство

Во XIX век Чифлиџик бил чисто македонско село во Демирхисарската каза. Во „Етнографија на вилаетите Адријанопол, Монастир и Салоника“ се вели дека во 1873 г. Чифлџик (Tchiflidjik) било село со 60 домаќинства сочинети од 195 Македонци.^[4][5]

Во 1891 г. Георги Стрезов напишал за селото:

„

Чифлиџик, 1⁄2 час на северозапад од Валовишта, близу до Струма. Рамно поле. 20 куќи само Македонци.[6][7]

“

Според статистиката на Васил К’нчов („Македонија. Етнографија и статистика“) во 1900 г. селото имало 80 жители, сите Македонци.^[4][8]

По податоци на егзархискиот секретар Димитар Мишев („La Macédoine et sa Population Chrétienne“) во 1905 г. населението на Чифлиџик (Tchiflitchik) се состоело од 320 жители Македонци, сите под врховенството на Цариградската патријаршија.^[9]

Во Грција

По Балканските војни во 1913 г. селото е припоено кон Грција согласно Букурешкиот договор. Таа година селото имало 208 жители, кои во 1920 г. нараснале на 329 жители.^[3] Извесен дел од населението се преселило во Бугарија, а властите на негово место довеле грчки колонисти. Во 1926 г. селото е преименувано во Стримонохори, во превод Струмско Село.^[10] На пописот од 1928 г. Чифлиџик е претставен како мешано мештанско-дојденско село со 738 жители,^[3] од кои 395 лица (102 семејства).^[11]

Месности во Чифлиџик преименувани со службен указ на 6 јули 1968 г.

Име	Грчки	Ново име	Грчки	Опис
Дурпак[12][13]	Ντουρπάκι	Сакули	Σακκύόλι[14]	месност ЈЗ од Чифлиџик по левиот брег на Струма[12]
Ќоравдиво[15]	Κιόρ Όμπτί	Тифлон	Τυφλόν[14]	ниви Ј од Чифлиџик;[12]
Буница[12] или Корница[14]	Κόρνιτσα	Апидиес	Άπιδιές[14]	месност ЈЈЗ от Чифлиџик[12]

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	918	758	899	520	441	488	425	401

Извор за 1940-1991 г.: Т. Симовски, Населените места во Егејска Македонија