Чупакабра

Чупакабра (шпански: Chupacabra) — легендарен криптид за кој се зборува дека живее во деловите на Америка, а први забележувања се јавиле во Порторико.^[1] Името доаѓа од зборовите chupar (цица) и cabra (коза), по наводната навика на животното да напаѓа и пие крв од добитокот, особено козите.

Цртеж на Чупакабра

Опис

Физички описи на суштеството се разликуваат. Се раскажувало дека тоа е тешко суштество, со големина на мала мечка со низа од боцки кои се движат од вратот до коренот на опашката.

Настани

Први сведоци кои тврдат дека го виделе оваа суштество го виделе во Порторико во 1995 година, а забележувања на овој вид подоцна се пријавувани сè до Мејн на север и до Чиле на југ, па дури се тврди дека оваа суштество е забележано и надвор од Америка, во државите како што се Русија и Филипини, но многу од овие сведочења се отфрлени како неосновани или без докази. Видувањата во северно Мексико или југот на САД се верификувани како примери на забележувања на животни од семејството кучиња кои биле болни од шуга.^[2] Биолозите ја сметаат чупакабра за модерна легенда.^[3]