Штерјо Наков

Штерјо Наков (роден во 1948 година во Штип) — македонски економист и стопанственик од влашко потекло^[1][2][3].

Штерјо Наков
Роден	1948 Штип, СФРЈ
Националност	Влав
Занимање	економист стопанственик

Животопис

Родителите на Штерјо Наков по потекло се од Крива Паланка, Калин Камен^[4]. Во периодот од 1973 до 1983 година бил вработен во Македонски железници, најпрвин како раководител на Одделот за комерцијални работи и подоцна како директор на интерната банка во рамките на Македонските железници. Во 1983 година станал генерален директор и претседател на Управниот одбор на шпедитерската фирма Фершпед АД – Скопје, кога групацијата Фершпед постигнала голем раст и развој, диверсифирајќи ја својата економска активност и во областа на туризмот и угостителството, производството на вино и слично.

Член на бројни бизнис асоцијации. За постигнатите резултати бил прогласен за стопанственик на годината во 1993 година. Во Македонија е сметан за вториот најбогат човек во земјата за 2012 и 2014 година^[5][6]. Во 2008 година е добитник на Столна медалја од редот на Светиот македонски крст.

Компании

• Фершпед АД (1995)^[7]
• Хотел „Александар Палас“^[8]
• Хотел Метропол - Охрид (2004) (х. Метропол, х. Белви и х. Турист)
• Хотел Фершпед - Маврово
• Фершпед Брокер

Поранешни компании

• Телевизија Алфа (2008-2012)
• КК Работнички (2000-2009)^[9]
• Винарија Сковин (2001-2019)^[10]