Far Cry 2

Far Cry 2 (скратено: FC2, транскр: Фар крај 2) — пукачка видеоигра од прво лице со отворен крај, изработена од Ubisoft Montreal и издадена од Ubisoft. Во продажба беше пуштена на 21 октомври 2008 во Северна Америка^[2] и на 23 октомври 2008 во Европа^[2] и Австралија.^[4] Стана достапна за преземање преку Steam на 22 октомври 2008.^[6] Crytek, авторите на првата игра, не биле вмешани во изработката на Far Cry 2.

Far Cry 2
Изработувач(и)	Ubisoft Montreal
Издавач(и)	Ubisoft
Дизајнер(и)	Пјер Ривест
Композитор(и)	Марк Канам[1]
Серијал	Far Cry
Погон	Dunia (неслеободен) со физика Havok
Последна верзија	1.03 (од 3 јуни 2009)
Подлоги	Microsoft Windows, PlayStation 3, Xbox 360
Датум на издавање	СА 21 октомври 2008[2] ЕВР 24 октомври 2008[2][3] АВС 23 октомври 2008[4]
Жанр(ови)	Акција, пукач од прво лице, нелинеарна
Режим(и)	Самостоен, групен
Медиум	Blu-ray диск, ДВД, преземање преку Steam[5]
Побарувања	Погледнете во „Изработка“
Начин на контролирање	Тастатура и глувче, гејмпад

Ubisoft ја промовирале Far Cry 2 како вистинско продолжение на Far Cry, иако продолжението има многу малку приметливи сличности со првата игра. Има сосема различни ликови и приказна, како и стил на игра што му дава на играчот поголеми слободи во истражувањето на африканските пејзажи, како пустини, џунгли и савани. Дејствието се одвива во денешна источноафриканска држава која се справува со безредие и граѓанска војна. Играчот има улога на платеник со задача да го пронајде и отстрани „Чакалот“ (The Jackal), озлогласен препродавач на оружје.

Играчот истражува африканска џунгла држејќи RPG-7.