Источна Африка

Карта на Источна Африка.

Карта на Источна Африка според ООН.

Географска положба

Источна Африка лежи на територијата спрема Индискиот Океан. Ги опфаќа пределите на Етиопската и Езерската Висорамнина. Етиопските Планини достигнуваат до околу 4 500 м.н.в., а планините на Езерската висорамнина се издигнуваат дан 5 000м. Такви се планините килимаџаро, Кенија и Рувензори. Во приморските делови на Кенија и Сомалија се наоѓаат поголеми низински територии. Иточна Африка на југ се простира до вододелницата на реката Замбези, а на запад приближно до источната вододелница на реката Конго. има развиен буен животински и растителен свет, претставен со густи шуми - прашуми, високи треви - савани, и разновидни тревопасни и месојадни животни.

Население и Стопанство

Во државите во Источна Африка претежно живее население од белата и од црната раса. Главно занимање се земјоделството и сточарството. Најмногу се одгледуваат кафе, памук, жита, шеќерна трска, банани, ананас и др. Во сточарството најмногу се одгледуваат овци, кози и говеда. Од рудните богатства се застапени бакар, злато, олово, дијаманти, волфрам, железо и др. Најразвиени гранки се прехранбената, дрвната, хемиската, драгежната и металната индустрија. Државите во Источна Африка сè уште се со статус недоволно развиени земји и земји во развој. Поразвиени се државите Танзанија и Кенија.

Дефинирање на регионот

Источна Африка ги опфаќа следниве држави:

• Бурунди
• Еритреја
• Етиопија
• Јужен Судан
• Кенија
• Руанда
• Сомалија
• Танзанија
• Уганда
• Џибути

Според шемата на ООН, источна Африка се состои од 19 територии:^[1]

• Танзанија, Кенија, Уганда, Руанда и Бурунди – членки на Источноафриканската заедница (EAC). Бурунди и Руанда понекогаш се сметаат за дел од централна Африка.
• Џибути, Еритреја, Етиопија и Сомалија (го опфаќа и Сомалиленд^[2]) – збирно наречени Африкански Рог^{[3][4][5][6][7]}
• Мозамбик и Мадагаскар – обично се сметаат за дел од јужна Африка. Мадагаскар е културно тесноповрзан со југоисточна Азија и островите во Индискиот Океан.
• Малави, Замбија и Зимбабве – честопати се сметаат за дел од јужна Африка. Ова се членки на поранешната Централноафриканска Федерација
• Комори, Маврициус и Сејшели – мали островски земји во Индискиот Океан
• Реинион и Мајот – прекуморски територии на Франција во Индискиот Океан.

Египет и Судан се сместени во североисточниот дел на континентот, но обично се сметаат за дел од северна Африка.^[8]

Демографија

Демографската слика на Источна Африка изгледа вака:

држава	население	доминантна религија	% од вкупното население	службен јазик	најголема етничка група
Еритреја	5,291,370[9]	Христијанство[10]	64%[10]	нема[11]	Тигриња (~60%)
Етиопија	75.1 милиони (2006)[12]	Христијанство[13]	62.8%[13]	амхарски јазик[14]	оромски јазик (34.49%)[13]
Џибути	818,159 [15]	Ислам[16]	94%[16]	француски и арапски јазик[16]	Сомалијци (60%)[16]
Сомалија	10,085,638[17]	Ислам[17]	апсолутно мнозинство	сомалиски и арапски јазик[18]	Сомалијци (85%)[17]
Јужен Судан	8,260,490 (попис 2008)	Христијанство	н.п	англиски	нема мнозинство, но најбројни се Динка (15 %) и Нуери (10 %)
Кенија	43,013,341[19]	Христијанство[20]	83%[20]	англиски и свахили[21]	нема мнозински народ. Најголем народ се Кикујуанците со 22% [19]
Бурунди	8,053,574 (2008 [22])	Христијанство[23]	75%[23]	рунди и англиски	Хутуанци (85%)[24]
Руанда	8,162,715 (2002[25])	Христијанство[26]	98.2% [26]	руанда, англиски, француски[26]	Хутуанци (84%)[26]
Уганда	35,873,253[27]	Христијанство[27]	83.9%[27]	англиски[27]	нема мнозински народ. Најголем народ се Баганѓаните со 16.9%[27]
Танзанија	43,188,000 (2010[28])	Христијанство	62%[29]	свахили и англиски[30]	нема мнозински народ[30]

Јазици

Во земјите од регионот се нашироко се застапени англискиот и францускиот. Најкористен јазик е свахили. Во Етиопија се говори претежно локалниот амхарски јазик. Во југоисточна Африка е мошне застапен португалскиот.

Поврзано

• Портал: Африка

„Источна Африка“ на Ризницата ?

• Аксумско царство
• Источноафриканска заедница
• Африкански Рог
• Британска Источна Африка
• Германска Источна Африка
• Италијанска Источна Африка