Irreemplazable

Irreemplazable е првиот EP албум од американската пејачка Бијонсе Ноулс. Песните на албумот се шпански, англиски и шпанско-англиски верзии на песните од нејзиниот прв студиски албум B'Day и Irreemplazable прво служел како бонус диск на делукс изданието на B'Day,но потоа бил издаден посебно на 28 август 2007 преку Columbia Records. Копииите од Вал-март исто така содржат ДВД на кое има концерти, телевизиски настапи и снимки од Ноулс зад сцените.

Оваа статија се однесува на/за албум. За песната, погл. Irreplaceable.

„Irreemplazable“
EP од Бијонсе Ноулс
Издаден	28 август 2007
Снимен	2006–2007
Жанр	Р&Б, Латински поп
Траење	31:04
Јазик	Шпански, Англиски, Шпанско-англиски јазик
Издавачка куќа	Columbia
Продуцент	Бијонсе Ноулс, Не-Јо, Тимбаланд, The Underdogs, Едуардо Кабра, Олгуи Чирино, Руди Перес, Џејк Кохл
Бијонсе Ноулс — Хронологија
Irreemplazable (2007) Heat (2011)
Издадени песни од Irreemplazable
"Irreemplazable" Издадена: 17 јули 2007

Irreemplazable добил помешани критики од Енди Келман од Allmusic, кој го критикувал недостатокот на содржина и фактот дека EP албумот беше објавен неколку месеци по делукс изданието на B'Day. Irreemplazable се искачил на 105 место на Билборд 200 и продал 57,000 копии во САД. Исто така се појавил на табелите Топ Р&Б/Хип-Хоп Албуми, Топ Латински Албуми и Латински Поп Албуми.

Позадина и промоција

Растејќи во Хјустон, Тексас, Ноулс била опкружена со луѓе кои зборувале шпански јазик и научила неколку зборови на шпански, но потоа ги заборавила. Кога повторно ги снимала епсните за Irreemplazable, вокалниот тренер на Ноулс го напишал фонетски шпанскиот текст и секоја линија била снимана по четири пати за албумот. Ноулс потоа изјавила дека планита да има шпански лекции во иднина.^[1] Таа за снимањето на EP албумот рекла, „За мене ова е чест за да можам да се поврзам со моите обожаватели. Имав многу забава додека пеев на шпански. Се присетив на растењето во ХјустонI“.^[2] Џон Вензел од The Denver Post го толкувал издавањето на Irreemplazable како „обид за да се задоволат условите за влез во маркетот на шпанската музика“.^[3]

Irreemplazable бил издаден како бонус диск на делукс изданието на B'Day на 3 април 2007,^[4] пред да биде одделно издаден преку Columbia Records на 28 август 2007.^[5] Сепак, ремикс од „Get Me Bodied“ бил овозможен поединечно само на Irreemplazable. Песната со ист наслов како албумот, „Irreemplazable“ била издадена како единствениот сингл од албумот на 17 јули 2007.^[6] Ноулс се појавила на Mi TRL на Tr3s на 2 август и покажала специјални снимки зад сцените наречени „Правење на шпански EP“.^[5]

Композиција

Irreemplazable започнува со „Amor Gitano“, дует со Алехандро Фернандес кој оригинално бил оа петнаесеттиот албум на Фернандес, Viento a Favor. „Listen“, песна за Dreamgirls, во кој Ноулс се појавила, била повторно снимена под името „Oye“. Насловот на EP албумот е шпанската верзија на „Irreplaceable“, песна која била многу успешна кога била снимена на англиски јазик.^[7][8] Три снимања од „Beautiful Liar“ се појавиле на Irreemplazable: шпанска верзија (насловена како „Bello Embustero“), ремикс од англиската верзија и шпанско-англиска верзија. norteña ремикс од „Irreemplazable“ е седмата песна на EP албумот, додека ремикс на Тимбаланд од „Get Me Bodied“, кој содржи вокали од Волтио, го затвора Irreemplazable. Екслузивно ДВД го придружувало EP албумот во продавниците на Вал-март и содржело снимки од зад сцената и настапи од The Beyoncé Experience, појавувањето на Ноулс на The Early Show, како и документарен филм наречено „La Evolución Latina de Beyoncé“ („Латинската еволузција на Бијонсе“).^[3][9]

Прием

Давајќи две и половина ѕвезди, Енди Келман од Allmusic рекол дека „нема толку многу во дискот,“ и тврдел дека тоа е непотребно, заклучувајќи „ако сте голем обожавател на Бијонсе, најверојатно ќе се почувствувате измамени — посебно ако сте го купиле B'Day кога излезе во септември 2006 и ако сте го купиле делукс изданието седум месеци подоцна, само за да сфатите дека бонус материјалот подоцна излегол одделно (со песна која не е на вториот диск и на делукс изданието!).“ Келман ги избрал „Amor Gitano“, „Irreemplazable“ и ремиксот на „Get Me Bodied“ како најдобри песни во албумот.^[10]

Irreemplazable за првпат се искачил на табелата Билборд 200 на 105 место на 15 септември 2007,^[11] продавајќи преку 6,000 копии таа недела.^[12] Останал на табелата три недели.^[13] На Топ Р&Б/Хип-Хоп Албуми, EP албумот влегол на четириесет и првото место на 5 септември 2007,^[14] и останал пет недели.^[13] Irreemplazable подобро се искачил на латинските табели заземајќи го третото место на Топ Латински Албуми^[15] и на второто место на Латински Поп Албуми.^[16] Албумот останал на табелата дванаесет и тринаесет недели.^[13] Од 6 октомври 2010, Irreemplazable продал повеќе од 57,000 копии во САД.^[17]

Список на песни

1. „Amor Gitano“ со Алехандро Фернандес (Бијонсе Ноулс, Џејми Флорес, Рејли) – 3:48
2. „Listen (Oye)“ (Б. Ноулс, Хенри Кригер, Скот Катлер, Ан Превен, Руди Перес) – 3:41
3. „Irreplaceable (Irreemplazable)“ (Б. Ноулс, Микел Сторлир Ериксен, Тор Ерик Хермансен, Еспен Линд, Амунд Бјорклунд, Не-Јо, Перес) – 3:48
4. „Beautiful Liar (Bello Embustero)" (Б. Ноулс, Ериксен, Хермансен, Аманда Гоуст, Ијан Денч, Перес) – 3:20
5. „Beautiful Liar“ (Ремекс Верзија) со Шакира (ремикс од Шакира) – 3:01
6. „Beautiful Liar“ (Шпанско-англиска верзија) со Саша а/к/а Бијонсе – 3:21
7. „Irreplaceable (Irreemplazable)“ (Norteña Ремикс) (ремикс од Руди Перес) – 3:51
8. „Get Me Bodied“ (Ремикс од Тимбаланд) со Voltio (Б. Ноулс, Соланж Ноулс, Свиз Битз, Син Гарет, Макеба, Ангела Бејинсе) – 6:14

Личности

Кредити за Irreemplazable од Allmusic:^[18]

Април Балдуин – артисти и репертоар Ерон Бругер – артисти и репертоар Едуардо Кабра – продукција Олгуи Чирино – вокална продукција Макс Гус – артисти и репертоар Џули Кнап – артисти и репертоар

Бијонсе Ноулс – дополнителен продуцент, продукција, вокална продукција Метју Ноулс – артисти и репертоар, дополнителна продукција, менаџмент Не-Јо – продукција Руди Перес – продукција, ремикс продукција, вокална продукција Тимбаланд – продукција, ремикс The Underdogs – продукција

Табели

Табела (2007)	Највисока позиција
САД Билборд 200[13][19]	105
САД Топ Латински Албуми[13][19]	3
САД Топ Р&Б/Хип-Хоп Албуми[13][19]	41