Windows 11

Windows 11 (се изговара: Виндоуз 11) — оперативен систем (ОС) за лични сметачи, развиен од компанијата Microsoft како дел од семејството Windows NT и е наследник на Windows 10.

Windows 11

Верзија на оперативниот систем Windows NT
Разработувач	Microsoft
Семејство	Microsoft Windows
Прво	24 јуни 2021
Начин на поднова	Windows Update
Вид јадро	Hybrid (Windows NT kernel)
Лиценца	сопственичка
Портал	Windows 11

Претставен е на настанот на Microsoft на 24 јуни 2021 г., иако првата прелиминарна верзија протекла на интернет девет дена претходно (15 јуни 2021 г.). Објавен е на 5 октомври 2021 г., заедно со Microsoft Office 2021. Последната стабилна верзија на Windows 11 е 25H2 (2025 Update).

Windows 11 содржи сериозни измени во корисничкиот интерфејс, под влијание на откажаниот Windows 10X, вклучувајќи редизајнирано мени „Започни“, замена на „живите плочки“ со посебен панел „Виџети“ на лентата со задачи, можност за создавање мозаични групи на прозорци што можат да се минимизираат и обноват од лентата со задачи како група, како и нови играчки технологии наследени од Xbox Series X и Series S, како што се Auto HDR и DirectStorage на усогласена машинска опрема.

Internet Explorer (IE) е заменет со Microsoft Edge како стандарден веб-прелистувач (како и кај неговиот претходник, Windows 10), а Microsoft Teams е вграден во корисничкиот интерфејс на Windows.

Microsoft, исто така, ги објавил плановите да обезбеди поголема прилагодливост за програмската опрема што може да се распределува преку Microsoft Store и поддршка во Windows 11 за андроид-примени (вклучувајќи партнерство со Amazon за нивната продавница за примени).

Во јули 2025 г., уделот на Windows 11 на пазарот на столни сметачи достигнал 52,18 %, што бил првпат да заземе поголем дел од пазарот на столен ОС, како и првпат нејзиниот удел да го надмине уделот на Windows 10, кој паднал на 44,11 %. Windows 11 е установен на околу 23 % од сите сметачи (останатиот дел отпаѓа на други верзии на Windows и други оперативни системи, како што се macOS и Linux) и на околу 8,6 % од сите уреди (вклучувајќи мобилни телефони, таблети и конзоли).

Со цел да се усогласи со Законот за цифрени пазари, Microsoft им дозволува на корисниците во Европската економска зона да ги отстранат прелистувачот Microsoft Edge, пребарувачот Microsoft Bing и рекламите со цел да се усогласат со интересите на корисниците.

Функции

Windows 11, првото издание на Windows од 2015 г., се заснова на својот претходник, но го преработува корисничкиот интерфејс во согласност со новите насоки на Microsoft Fluent Design. Редизајнот, чие главно внимание е ставено на едноставноста на користење и прилагодливоста, е придружен со нови продуктивни и социјални функции, како и со надградби во областа на безбедноста и пристапноста, кои отстрануваат некои недостатоци на Windows 10.^[1]

Продавницата Microsoft Store, која служи како единствена витрина за примени и друга содржина, исто така е преработена во Windows 11. Сега Microsoft им овозможува на развивачите да распределуваат Win32, прогресивни веб-примени и други технологии за пакување во Microsoft Store, покрај стандардните примени на Universal Windows Platform.^[2]