Арамиска Пештера (Гарниково)

Арамиска Пештера — археолошко наоѓалиште во кавадаречкото село Гарниково. Претставува некропола од римско време.

„Арамиска Пештера“
Местоположба	41°20′02″N 22°02′18″E
Основни податоци
Место	Гарниково
Општина	Кавадарци
Тип	некропола
Период	римско време
Портал „Археологија“

Местоположба

Се наоѓа на границата меѓу атарите на селата Гарниково и Бојанчиште, на левиот брег на селската река, преку тесен и тешко видлив влез се влегува во мала пештера чии димензии не се точно дефинирани. На околу стотина метри од влезот се слуша бучава од рекичката која понира.^[1]

Ископувања и наоди

Во предниот дел на пештерата биле вршени погребувањa на тој начин што покојниците биле ставана во издлабени места, како мали галерии. Интересен е фактот што коските на покојниците се покриени со сталагмитска маса, со што се петрифицирани, односно трајно конзервирани. Најдени се 12 бронзени монети, 2 белезици и 1 прстен што се чуваат кај физичко лице.^[1]

Поврзано

• Список на археолошки наоѓалишта во Кавадаречко