Горанчо Котески

Горанчо Котески (р. 18 август 1965) — македонски воен генерал, деветти началник на Генералштабот на АРМ (2011-2015).

Горанчо Котески
Роден во:	Прилеп
Служба во:	Македонија
Род:	АРМ
Чин:	Генерал-мајор

Животопис

Котески е роден во Прилеп на 18 август 1965 година. Средно воено училиште завршил во Сараево, а воена академија во Белград и во Сараево. Дипломирал на престижниот воен колеџ на НАТО во Рим, а бил и воен аташе во Германија. Котески ја извршуваше и функцијата аѓутант на претседателот Ѓорге Иванов, како и советник за воени прашања, а во март годинава беше назначен за командант на Здружената оперативна команда (ЗОК) на АРМ. Во армиските кругови позитивно се гледа на назначувањето на Котески, кој важи за пронатовски и прореформски настроен генерал.^[1]

Генерал Горанчо Котески, со указ на Претседателот и врховен командант на вооружените сили, Ѓорге Иванов е именуван за Началник на Генералштабот на Армијата на Република Македонија за 16 август 2011.^[2] Генерал-мајор Методија Величковски доаѓа на местото на досегашниот началник на генералштабот на АРМ, Котески, за 18 август 2015.^[3]