Звучна венечна странична струјна согласка

Звучна венечна странична струјна согласка (звучен алвеоларен латерален фрикатив) е вид на поретка согласка присутна во некои јазици. Меѓународната фонетска азбука (МФА) ја бележи со симболот ⟨ɮ⟩, а X-SAMPA ја претставува со K\.

Звучна венечна странична струјна согласка
ɮ
Слика
МФА-бр.	149
Шифрирање
Единица (дек.)	ɮ
Уникод (хекс.)	U+026E
X-SAMPA	K\
Киршенбаум	z<lat>
преглед разговор уреди

Особености

Звучната венечна странична струјна согласка ги има следниве особености:

• Начинот на творба е струен, што значи дека се добива со стеснување на воздушниот тек низ тесен провод во местото на творба, предизвикувајќи бурно струење.
• Местото на творба е венечно, што значи дека се создава при допир на врвот или рамниот дел на јазикот и забниот венец, па затоа може да биде „врвнојазична“ или „рамнојазична“.
• Фонацијата е звучна, што значи дека гласните жици треперат при творбата.
• Ова е устена согласка, што значи дека воздухот излегува само низ устата.
• Согласката е странична, што значи дека се добива со насочување на воздушниот тек по страните на јазикот, наместо по средината.
• Воздушниот механизам е белодробно издишен, што значи дека се создава со истиснување на воздух единствено низ белите дробови и дијафрагмата, што важи за највеќето гласови.

Јазици

Јазик	Збор	МФА	Значење	Белешки
адигејски	блы	[bɮə]ⓘ	'седум'	Само во извесни дијалекти.
зулу[1]	indlala	[ínˈɮàlà]	'глад'
кабардински	блы	[bɮə]ⓘ	'седум'
монголски	долоо (мктр. толо)	[tɔɮɔː]	'седум'

Поврзано

• Безвучна венечна странична струјна согласка