Мирославово евангелие

Мирославово евангелие (српски: Мирослављево јеванђеље / Miroslavljevo jevanđelje) е српски ракопис на пергамент од 362 страни со богата декорација. Тој е еден од најстарите преживеани ракописи напишани на српска варијанта на црковнословенски јазик. Овој ракопис се смета за ремек-дело на илустрацијата и калиграфијата.^[1]

Првата страна на Мирославовото евангелие

Мирославовото евангелие е создадено во 1186 година од Мирослав, кнезот на Хум^[2] и брат на Стефан Немања, великиот жупан на Рашка. Први кои го откриле и проучувале ракописот биле тројцата руски учени: Владимир Стасов, Фјодор Буслаев и Никодим Кондаков во 1874.