ОУ „Гоце Делчев“ - Јабланица

Основно училиште „Гоце Делчев“ (официјално: Основно општинско училиште „Гоце Делчев“ - Јабланица; скратено: ООУ „Гоце Делчев“) — централно основно училиште во селото Јабланица, Општина Струга.^[1] Училиштето се наоѓа во средишниот дел на селото Јабланица.^[2]

За други значења на поимот, погл. ОУ „Гоце Делчев“.

Гоце Делчев
Поглед на основното училиште Поглед на основното училиште
Место
Општина:	Општина Струга
Наречено по:	Гоце Делчев
Нас. место:	Јабланица
Адреса:	с. Јабланица
Местоположба
Основни информации
Основано:	1919; пред 106 години (1919)
Директор:	Билјана Наумоска
Број на ученици:	81
Настава на:	македонски
Контактни информации
Мреж. место	oougocedelcev.wordpress.com/about/
Е-пошта	[e-mail]
Телефон	046/783-342
Факс	046/783-342

Училиштето е именувано по македонскиот национален херој Гоце Делчев.

Местоположба

Поглед на училиштето

Објектот на училиштето се наоѓа на прекрасна местоположба во средишниот дел на селото Јабланица.^[2]

Историја

Училиштето постои од 1919 година, кога наставата се изведувала на српски јазик. Од 1944 година, основното училиште во селото ја изведува наставата на македонски јазик.^[2]

Организација

Во училиштето работат 23 наставници и осум членови на помошниот персонал во училиштето.^[2]

Во училиштето учат 81 ученик, распоредени во 15 паралелки.^[2]

Подрачни училишта

Во рамките на општинското основно училиште „Гоце Делчев“ се наоѓаат и три подрачни основни училишта од прво до деветто одделение, каде покрај учениците од селата каде што се наоѓаат самите подрачни училишта, се образуваат и други ученици од поблиските села. Овие училишта се:^[2]

1. Подрачно основно училиште „Св. Кирил и Методиј“ во село Луково
2. Подрачно основно училиште „Гоце Делчев“ во село Нерези
3. Подрачно основно училиште „Гоце Делчев“ во село Пискупштина