Петар Јанков (Струмица)

Петар Јанков — градоначалник на Општина Струмица од 2025 година.

Петар Јанков
Градоначалник на Општина Струмица
На должноста
Стапил/ -а 27 октомври 2025
Претходник	Костадин Костадинов
Лични податоци
Роден(а)	13 јануари 1976(1976-01-13) (49 г.) Струмица
Партија	ВМРО-ДПМНЕ

Животопис

Петар Јанков е роден на 13 јануари 1976 година во Струмица. Потомок е на Благој Јанков – Мучето. Основно и средно образование завршил во родниот град. Дипломирал како менаџер по царина и шпедиција на Факултетот за туризам и угостителство – Охрид при Универзитетот „Св. Климент Охридски“ – Битола. Од 2007 година работел во Царинската управа и напредувал до позиција виш цариник. Во 2018 година ја напуштил јавната служба и продолжил да работи во приватниот сектор.^[1]

Јанков е член на ВМРО-ДПМНЕ. Потпретседател е на општинскиот комитет на партијата во Струмица.^[1] На локалните избори во 2025 година како кандидат на коалицијата предводена од ВМРО-ДПМНЕ за градоначалник на Општина Струмица победил во првиот круг на 19 октомври со 15.071 (55,98%) гласови, со разлика од 5.339 гласови од противкандидатот Марјан Даскаловски од коалицијата предводена од СДСМ. ВМРО-ДПМНЕ нагласила дека по 20 години извојувала историска победа во бастионот на СДСМ.^[2] Јанков ја презел функцијата од неговиот претходник Костадин Костадинов на 27 октомври.^[3]