Рудолштат

Рудолштат (разговорно: Ролшт; германски: Rudolstadt, Rolscht; Руделштат, тириншки: Rudelstadt) — град во округот Залфелд-Рудолштат, во сојузната покраина Тирингија, Германија. Поранешната кнежевска резиденција Рудолштат е изградена долж реката Зале во широката долина опкружена со шуми.

Рудолштат Rudolstadt
Поглед на градот Поглед на градот
Рудолштат
Управа
Земја	Германија
Покраина	Тирингија
Округ	Залфелд-Рудолштат
Градски единици	24
Градоначалник	Јерг Рајхл (BfR)
Основни податоци
Површина	135,18 км2
Надм. височина	195 м
Население	24.749 (31 декември 2022)[1]
- Густина	183 жит/км2
Други информации
Часовен појас	CET/CEST (UTC+1/+2)
Рег. табл.	SLF
Пошт. бр.	07407
Повик. бр.	03672
Портал	www.rudolstadt.de
Местоположба на градот Рудолштат во рамките на округот Залфелд-Рудолштат
Карта
Координати	50°43′1″N 11°19′39″E

Градот бил основан во 776 година, а го стекнал правото на град во 1326 година. Знаменитост на градот е замокот Хајдексбург, кој е поставен на рид над стариот град. Рудолштат станал популарен преку камените блокови на компанијата за играчки Рихтер и фабриките за порцелан, почнувајќи со основањето на Фолкштет во 1762 година. Од 1599 до 1920 година градот бил главен град на Шварцбург-Рудолштат.

Географија

Рудолштат се наоѓа во долина на реката Зале. На север и зпаад од градот се наоѓа рамници познати како Илм-Зале, на југ започнуваат Тириншките Шкрилни Планини, а источно од градот се наоѓа Хинтере Хајде, кој со Хаусберг (481 м.) доминира. Додека градското јадро се наоѓа на околу 200 метри, одредени градски единици се наоѓаат помеѓу 300 и 400 метри. Во местото Шварца се влива истоимената река во Зале.

Градски единици

Рудолштат е поделен на 24 единици. Покрај градското јадро во него влегуваат следниве села:

Амелштет (1350) Брајтенхерда (1294) Кумбах (1327) Ајхфелд (1074) Ешдорф (1372) Гајтерсдорф (1372) Хауфелд (802–817) Хајлсберг (822–826) Кајлхау (1306) Лихштет (со Грошвиц; 1275) Милбиц (1350) Мерла (1417)

Оберпрајлип (1074) Пфланцвирбах (1295) Ремда (со Алтремда и Кирхремда) Шала (со Шварценсхоф; 1071) Шварца (1074) Зундремда (750–779) Тајхел (1076) Тајхреда (1334) Трепендорф (874) Унтерпрајлип (1074) Фолкштет (842–856)

Во заградите е годината на прво споменување.^[2]

Фолкштет, Шварца, Мерла и Кумбах образуваат заедно со градското јадро една урбана целина, додека другите места се оддалечени.

Соседни општини

Соседни општини се следниве (почнувајќи од север, надесно): Бланкенхајн, Улштет-Кирххазел, Унтервеленборн, Залфелд, Бад Бланкенбург, Кенигзе, Штатилм, Ритерсдорф и Бад Берка.

Политика

Градски совет

Градскиот совет на градот Бад Бланкенбург се состои од 30 членови. Според последните општински избори на 26 мај 2019 година биле добиени следниве резултати:^[3]

Партија	Места	Разлика
BfR*	8	± 0
AfD	7	+ 7
CDU	5	− 2
SPD	4	− 1
LINKE	3	− 2
GRÜNE	1	− 1
FDP	1	± 0
Слободни гласачи	1	− 1

^*: Граѓани за Рудолштат
Разлика: во однос на изборите во 2014 година

Збратимени градови

Рудолштат е збратимен со следниве градови:^[4]

• Бајројт, Германија
• Летеркени, Ирска

Познати луѓе

• Ханс Фалада — германски писател
• Франц Лист — унгарски композитор
• Рихард Вагнер — германски композитор
• Николо Паганини — италијански композитор
• Филип Хајнрих Ерлебах — германски композитор и хорист
• Ахасверус Фрич — германски поет и композитор
• Принцеза Ана Софи од Шварцбург-Рудолштат — баба на кралот Леополд во Белгија, прабаба на Алберт, принц на Велика Британија

Галерија

• 
  Градското собрание
• 
  Замокот Хајдексбург
• 
  Градската црква
• 
  Замокот Лудвигсбург
• 
  Градската библиотека
• 
  Железничката станица