СУГС „8ми Септември“ - Скопје

СУГС „8ми Септември“ (целосно име: Средно училиште на Град Скопје „8ми Септември“; познато и како: „ЕМУЦ“) — средно училиште во Скопје, Општина Гази Баба.^[1] Училиштето е наречено по Денот на независноста на Македонија.

СУГС „8ми Септември“ ЕМУЦ
Место
Општина:	Гази Баба
Место:	Скопје
Адреса:	Бул. „Александар Македонски“ бр. 24
Основни информации
Основано:	2000; пред 25 години (2000)
Настава на:	македонски и албански
Контактни информации
тел.	071/376-192

Историја

Средното машинско училиште „8 Септември“ постои од 2000 година, кога со одлука на Владата на Република Македонија, биле обединети трите поранешни средни училишта: ЕМУЦ „Никола Тесла“, МУ „Гоце Делчев“ и ГМЦ „Чеде Филиповски - Даме“.

ЕМУЦ „Никола Тесла“ е едно од најстарите средни стручни училишта во Македонија, основано во раните 1950-ти години. Во него се школувале ученици од електротехничката и машинската струка.

МУ „Гоце Делчев“ првично функционирало во рамките на Заводот за вработување, каде што била вршена преквалификација и стручно оспособување на возрасни за машинската струка. Во 1970-тите години, училиштето станало самостојна образовна установа, најпрво под името „13 Ноември“, а подоцна како „Гоце Делчев“.

ГМЦ „Чеде Филиповски - Даме“ било основано по катастрофалниот земјотрес во Скопје во 1963 година, со поддршка на УНЕСКО, со цел образование на кадри од градежната и машинската струка.

Образовни профили:

Во училиштето има неколку струки, вклучувајќи машинска, геолошко-рударска и металуршка струка и сообраќајна струка тие се поделени на различни технички смерови. Конкретните профили се следниве:

Машинска струка (4 год. образование):

• машински техничар
• техничар за компјутерско управување
• машински техничар за моторни возила
• машинско енергетски техничар

Машиснка струка (3 год. образование) :

• Заварувач

• Oбработувач на метал
• инсталатер на цевкини водови
• инсталатер за греење и климатизација

Геолошко-рударска и металуршка струка :

• металуршки техничар

Сообраќај, траснпорт и складирање :

• Ракувач со машини за пренос на материјали

СУГС „Владо Тасевски“

Главниот влез на СУГС „Владо Тасевски“ во зградата на ЕМУЦ.

Во рамките на училиштето се одвива и наставата за албанските паралелки од СУГС „Владо Тасевски“. Од 2004 година, поради просторни капацитети и услови за изведување на наставата во СУГС „Владо Тасевски“, овие паралелки биле префрлени во СУГС „8 Септември“.

Во рамките на албанските паралелки во училиштето се изучуваат насоките техничар за транспорт и шпедиција и Електротехничар за компјутерска техника и автоматика